ԵՐԵՎԱՆ, 2 հուլիսի./Նովոստի-Արմենիա/. «Սուրբ Գրիգոր Լուսավորիչ» ԲԿ-ն հայտարարություն է տարածել Facebook-յան էջում՝ մահացած գյումրեցի կնոջ հետ կապված միջադեպի վերաբերյալ:
Загружается новость ... "Лево"
«Սուրբ Գրիգոր Լուսավորիչ բժշկական կենտրոնը Սոնիկ Կարապետյանի դիակը սահմանված կարգով, առանց որևէ անփութության փոխանցել է Շտապօգնության ծառայության համապատասխան բրիգադին։ Այս հարցում բուժկենտրոնը որևէ թերացում չի ունեցել»,- նշում են ԲԿ-ից:
Հարազատների պնդման վերաբերյալ, որ տատիկի հեռախոսից բուժքրոջ կողմից իր հեռախոսին գումար է փոխանցվել և գումար գողացվել, ԲԿ-ից նշում են, որ տեղեկացվել են դրա մասին հարազատներից՝ նախքան մամուլում այն հանրայնացնելը։
«Այսօր օրենսդրության սահմանած կարգով նշվածի վերաբերյալ հարուցվել է կարգապահական պատասխանատվության ենթարկելու վարույթ։ Ենթադրյալ անձը, ինչպես նշում է մահացածի թոռնուհին բուժքույր չէ, այլ կրտսեր բուժաշխատող՝ մայրապետ։ Բոլոր հանգամանքները պարզելու և հաստատավելու դեպքում վերջինս կենթարկվի կարգապահական պատասխանատվության, ընդհուպ կհեռացվի աշխատանքից։ Վարույթի վերջնական արդյունքների վերաբերյալ մահացածի հարազատները կտեղեկացվեն»,- նշվում է հայտարարության մեջ:
Հիշեցնենք, որ նախօրեին անհետացել էր կորոնավիրուսից մահացած գյումրեցի տատիկի դին: Դեպքի առթիվ ահազանգել էր ԱԺ ԲՀԿ պատգամավոր Նաիրա Զոհրաբյանը, ում էլ իր հերթին դիմել էր մահացած տատիկի թոռնիկը՝ նշելով, որ նրանք դիմել են և Առողջապահության նախարարություն, և պարետատուն, բայց լուծում չեն ստացել: Նաիրա Զոհրաբյանի ահազանգին իր հերթին արձագանքել է ԱՆ մամուլի քարտուղար Ալինա Նիկողոսյանը: -0-
