Լավ եմ արել, որ դիմել եմ իրավապահներին. Ալեն Սիմոնյանը՝ «Իմնեմնիմի» փոդքասթի համահեղինակների ձերբակալության մասին
ԵՐԵՎԱՆ, 13 նոյեմբեր․/Նովոստի-Արմենիա /. Օրենքով բոլորը պատժվելու են, որոնք խուլիգանություն կանեն, սպառնալիքներ կհնչեցնեն, լրագրողների հետ ճեպազրույցում հայտարարել է ԱԺ նախագահ Ալեն Սիմոնյանը։
Ոչ մի զարմանալու բան չկա։ Մենք այլ հասարակարգ են ունենալու, մենք իրար չենք դանակահարելու», - ասաց ԱԺ նախագահը։
Նա այսօր առավոտյան ձերբակալված համահեղինակներին անդրադառնալով՝ ասաց, որ այդ ամենի պատճառը քրեական ենթամշակույթով ապրելն է, երբ միմյանց հետ հաշվեհարդար են տեսնում մեկը մյուսին ստորացնելով, որն ի վերջո հանգեցնում է դանակահարության։
«Ես կոչ եմ անում մարդկանց նմանատիպ դեպքերում դիմել իրավապահ մարմիններին»,-եզրափակել է Սիմոնյանը։
Նշենք, որ այսօր առավոտյան ձերբակալվել են են «Իմնեմնիմի» հաղորդաշարի համահեղինակներ Վազգեն Սաղաթելյանը և Նարեկ Սամսոնյանը։
Նարեկ Սամսոնյանի փաստաբան Ռուբեն Մելիքյանը նշել է, որ քրեական վարույթը «Իմնեմնիմի» փոդքաստի համահեղինակների նկատմամբ նախաձեռնվել է խուլիգանության հոդվածով։
ԱԺ նախագահի մամուլի խոսնակ Մովսես Հարությունյանը 1lurer.am-ի հետ զրույցում հայտնել է, որ Ալեն Սիմոնյանը հաղորդում է տվել իրավապահներին «Իմնեմնիմնի» փոդքասթում հնչած վիրավորական արտահայտությունների և սպառնալիքների վերաբերյալ:
