ԵՐԵՎԱՆ, 30 նոյեմբերի. /Նովոստի–Արմենիա/. Լարվածությունը հայ–ադրբեջանական սահմանում վերջին ամսում թուլացել է, երկուշաբթի ասաց Հայաստանի պաշտպանության նախարար Սեյրան Օհանյանն աշխատանքային խորհրդակցության ընթացքում, հայտնում է գերատեսչության մամուլի ծառայությունը։
Խորհրդակցությունը նվիրված էր 2015 թվականի նոյեմբերին Հայաստանի Զինված ուժերում անցկացված միջոցառումների արդյունքներին։
«Ընդգծելով, որ անցնող մեկ ամսվա ընթացքում շփման գծում լարվածությունն ընդհանուր առմամբ թուլացել է՝ պաշտպանության նախարարը խորհրդակցության մասնակիցներին հանձնարարել է շարունակել առաջնագծում ու մշտական տեղակայման վայրերում անձնակազմի զգոնության, մարտական հերթապահության կրման պայմանների, ամրաշինական կառույցների կատերալագործման ուղղությամբ տարվող աշխատանքները և առավել կենտրոնացնել ջանքերը հակառակորդի սադրանքներից ու ոտնձգություններից զերծ մնալու համար»,– ասվում է Պաշտպանության նախարարության մամուլի հաղորդագրությունում։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
