ԵՐԵՎԱՆ, 2 հունիսի./Նովոստի-Արմենիա/. Արտակարգ դրության ժամանակ պարետատան որոշումը՝ Արարատի մարզի Հովտաշեն համայնքում «Մեյմանդար» գյուղատնտեսական շուկան փակելու վերաբերյալ հանգեցրել է վաճառողների բողոքի ակցիային:
Загружается новость ... "Лево"
Պարետատունը նախատեսում է փակել շուկան նախատեսում են 24 ժամով, իսկ պատճառը ՍԱՏՄ աշխատակիցների կողմից հայտնաբերված սահմանված հակահամաճարակային նորմերի խախտումներն են, որոնք ի հայտ են եկել ստուգումների արդյունքում:
«Շուկայում հայտնաբերվել են պարետի կողմից սահմանված սանիտարահիգիենիկ պահանջների խախտումներ. ոչ բոլոր վաճառողներն ունեին դիմակներ և ձեռնոցներ, ոչ բոլոր հաճախորդների մոտ էր ջերմաչափում իրականացվում, պատշաճ ձևով չէին ախտահանվում սեղաններն ու ձեռնոցները, չէր պահպանվում սոցիալական հեռավորություն, չի եղել առանձին զամբյուղ դիմակների ու ձեռնոցների համար»,- ասել են կարգավորիչի ներկայացուցիչները հավաքվածներին:
Վաճառողները անհամաձայնություն էին հայտնում պարետի որոշման հետ՝ նշելով, որ ղեկավարությունը խստորեն պահպանում է սահմանված նորմերը, իսկ ժամանակավոր կասեցման մասին որոշումն անսպասելի էր:
«Մենք այսօր ապրանք ենք բերել և չենք կարող այն վաճառքի դնել»,- նշել են նրանք:
Ոստիկանները ցանկանում են փակել շուկան, սակայն գյուղացիները ընդդիմանում են, ինչի հետևանքով լարված իրավիճակ է առաջացել:
«Էդ իմ ապրանքը, որ շոգին փչացավ, միլիոն հատ վարկ ունեմ, ո՞վ ա վճարելու, հետո էլ պիտի գաք տունը ձեռիցս վերցնեք», - հայտնել է վաճառողներից մեկը։
Լարված իրավիճակից ելնելով պարետատունը փոխզիջումների է գնացել և հնարավորություն տվել շուկայում եղած ապրանքը ռեալիզացնել՝ պայմանով, որ արդեն վաղը շուկան կդադարեցնի աշխատանքը:
Սակայն պարետատան պայմանը չի գոհացրել առևտրականներին, ովքեր շուկայի ժամանակավոր փակումն անհնար են համարել, քանի որ պատժամիջոցը կարող է լուրջ վնասներ հասցնել ապրանքի փչանալու պատճառով:
«Ով է փոխհատուցելու գյուղացիներին իրենց աշխատանքի համար կամ ապրանքի փչանալու դեպքում կրած վնասների դիմաց: Պարե՞տը: Կառավարությո՞ւնը: Մենք վաղը գալու ենք ու շարունակելու առևտուրը անկախ պատժամիջոցներից»,- հայտնել են ակցիայի մասնակիցները: -0-
