«Կովկասի գերուհի - 2» կամ անավարտ առևանգում

ԵՐԵՎԱՆ, 3 մարտի. /Նովոստի-Արմենիա/. Արտակարգ դեպք է տեղի ունեցել Երևանում հինգշաբթի, հայտնում է shamshyan.com-ը:

Ճանապարհային ոստիկանության ժամը 01:20-ի սահմաններում Դավիթ Բեկ փողոցի վրա ծառայություն կատարելու ժամանակ նկատել են իրենց առջևով ընթացող Volkswagen Golf մակնիշի ավտոմեքենան, որի մեջ տարօրինակ շարժումներ են նկատել և լսել են օգնության ձայներ:

«ՃՈ աշխատակիցները կանգնեցրել են ավտոմեքենան և պարզել են, որ այնտեղ կա 3 անձ: Նրանք են՝ Լոռու մարզի բնակչուհի՝ 19-ամյա Զինա Մ.-ն, Երևան քաղաքի Նուբարաշեն Բ5 թաղամասի բնակիչ, 33-ամյա Էդգար Հ.-ն և Սպիտակ քաղաքի բնակիչ, 30-ամյա Սերգեյ Գ.-ն»,- հայտնում է ֆոտոլրագրողը:

Երեքով մի աղջիկ են փախցրել>>

Վերջիններիս հրավիրել են ոստիկանության Էրեբունու բաժին, որտեղ պարզվել է, որ փետրվարի 27-ին, ժամը 16:00-ի սահմաններում Գյումրի քաղաքի «Գորկու» այգու դիմացից ամուսնության նպատակով Սերգեյ Գ.-ն առևանգել է Զինա Մ.-ին:

Առևանգվածն ու առևանգողները ստորագրությամբ ազատ են արձակվել: -0-