Քոչարյանի կալանավորման երկարացման դեմ նրա պաշտպանության բողոքի քննումը հետաձգվել է

ԵՐԵՎԱՆ, 4 ապրիլի./Նովոստի–Արմենիա/. Հայաստանի վճռաբեկ դատարանն ապրիլի 5–ին կշարունակի նախկին նախագահ Ռոբերտ Քոչարյանի կալանավորման երկարացման դեմ բողոքի քննումը, հինգշաբթի լրագրողներին ասաց երկրորդ նախագահի փաստաբան Հայկ Ալումյանը։

Ներկայում Հայաստանի երկրորդ նախագահ Ռոբերտ Քոչարյանը մարտի 1–ի գործով մեղադրվում է սահմանադրական կարգի տապալման համար։ Նա կալանավորված է։ Փետրվարի 12–ին Հատուկ քննչական ծառայությունը Քոչարյանին առաջադրել է նոր մեղադրանքներ «առանձնապես խոշոր չափերի կաշառք վերցնելը» հոդվածով։

«Դատական նիստը հետաձգվել է։ Այն կվերսկսվի վաղը ժամը 12։00–ին»,– ասաց Ալումյանը։
Նրա խոսքով, հինգշաբթի դատարանը լսել է դատախազության աշխատողների դիրքորոշումը, ովքեր, համաձայնելով դատարանի` կալանքը երկարացնելու որոշման հետ, պահանջում են չեղարկել շարժառիթի մասի որոշ դրույթներ։

Փաստաբանը նշեց, որ մեղադրանքը համաձայն չէ դատական որոշման այն մասին, որում ասվում է Քոչարյանի կողմից կաշառք ստանալու հիմնավորված կասկածանքների բացակայության մասին, ինչպես նաև այն մտահոգությունների մասին, որ նա, լինելով ազատության մեջ, կարող է թաքնվել քննությունից։

Նա ավելացրեց, որ ուրբաթ պաշտպանությունը կներկայացնի իր փաստարկները։ -0-