Կիրակի հոսպիտալացվել է հանրահավաքներում տուժած 7 քաղաքացի

ԵՐԵՎԱՆ, 22 ապրիլի. /Նովոստի Արմենիա/. Ապրիլի 22-ի ժամը 14։00-ի դրությամբ Երևանի հիվանդանոցներում բուժվում է հանրահավաքների ընթացքում տուժած 10 քաղաքացի, որից 7-ն ընդունվել է կիրակի օրը, Facebook–ի իր էջում գրել է ՀՀ առողջապահության նախարարի մամուլի քարտուղար Անահիտ Հայթայանը։

Ըստ գրառման, տուժածները գտնվում են մասնագետների հսկողության տակ և ստանում են անհրաժեշտ բուժում։

Տուժածներից 2-ը բուժում են ստանում «Հերացի» թիվ 1 հիվանդանոցային համալիրում, 3-ը՝ «Սուրբ Գրիգոր Լուսավորիչ», 2-ը՝ «Իզմիրլյան», 3-ը՝ «Էրեբունի» բժշկական կենտրոններում:

7-ի առողջական վիճակը բժիշկները գնահատում են բավարար, 3-ինը՝ միջին ծանրության:

«Ըստ անհրաժեշտության կատարվում են հետազոտություններ»,– նշվում է Հայթայանի գրառման մեջ։ -0-