ԵՐԵՎԱՆ, 20 փետրվարի. /Նովոստի–Արմենիա/. Հայհիդրոմետկենտրոնը ներկայացրել է առաջիկա հինգ օրերի եղանակի կանխատեսումը։
Փետրվարի 20–ից 24–ն ընկած ժամանակահատվածում Հայաստանի ողջ տարածքում կհաստատվի առանց տեղումների եղանակ։
Քամին կլինի հարավ–արևմտյան` 3-8 մետր վայրկյան արագությամբ։
Օդի ջերմաստիճանը փետրվարի 20–ի ցերեկը և 21–ից 24–ը երկրի ողջ տարածքում աստիճանաբար կբարձրանա 5-6 աստիճանով։
Երևանում երեքշաբթի օդը կտաքանա մինչև 9-12 աստիճան տաքություն, չորեքշաբթի` մինչև 11-13 աստիճան, հաջորդ երկու օրերին սնդիկի սյունը ցույց կտա 13-15 աստիճան, իսկ շաբաթ օրը` փետրվարի 24–ին` մինչև 14-16 աստիճան տաքություն։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում