Նախորդ շաբաթվա կարևոր նորությունների հնգյակը
28.01.2017,
10:00
«Նովոստի-Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը:
ԵՐԵՎԱՆ, 28 հունվարի. /Նովոստի-Արմենիա/. «Նովոստի-Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը:
- Հայաստանի նախագահ Սերժ Սարգսյանը ՀՀԿ խորհրդի նիստում հայտարարեց, որ կուսակցությունն անձնական խնդիրներով չի զբաղվում: Նրա խոսքով, Սահմանադրական բարեփոխումների արդյունքում կառավարման համակարգ է փոխվում: Նիստի ընթացքում Հայաստանի վարչապետ Կարեն Կարապետյանն ընտրվեց ՀՀԿ առաջին փոխնախագահ:
- Հայաստանի նախկին վարչապետ Հովիկ Աբրահամյանը հայտարարեց ՀՀԿ-ից հեռանալու մասին:Նա միաժամանակ հաստատեց, որ մնալու է մեծ քաղաքականության մեջ:
- Օդերևութաբանները կանխատեսում էին միջերկրածովյան նոր ցիկլոնի ներթափանցում Հայաստան, որն իր հետ առատ տեղումներ բերեց: Դրանք կշարունակվեն մինչև հունվարի 29-ը: Հունվարի 25-ին ցիկլոնն արդեն սկսեց մուտքը երկիր:
- 2017 թ.–ի հունվարի 26–ին ժամը 16:20-ի սահմաններում ՀՀ ՊՆ N զորամասի պարտադիր ժամկետային զինծառայող, կուրսանտ Սարգիս Սամվելի Ափինյանի ինքնազգացողությունը զորամասի շարահրապարակում կտրուկ վատացել է: Ս.Ափինյանը տեղափոխվել է զորամասի բուժկետ, որտեղ ժամը 17:35-ի սահմաններում վերջինիս մոտ գրանցվել է կենսաբանական մահ: Ավելի ուշ հայտնի է դարձել նրա մահվան նախնական պատճառը:
- Հինգշաբթի Դանիայի խորհրդարանի լիագումար նիստում ընդունվել է «Հայոց ցեղասպանության մասին» բանաձևը: Փաստաթղթում մասնավորապես Օսմանյան կայսրության փոխարեն կիրառվում է «Արևելյան Անատոլիա» անվանումը, իսկ բռնի տարհանման և ջարդերի փոխարեն` «ողբերգական և արյունալի իրադարձություններ»: Քաղաքագետ Ալեքսանդր Իսկանդարյանի խոսքով,Հայոց ցեղասպանությանը վերաբերող ցանկացած փաստաթղթի ընդունումը պետք չէ համարել ցեղասպանության ընդունում: -0-
Պատճենել հղումը
