Կարեն Կարապետյանը պատմել է իր հրաժարականի մասին

ԵՐԵՎԱՆ, 12 հունիսի./Նովոստի-Արմենիա/. ՀՀ վարչապետ Կարեն Կարապետյանը Երևանի քաղաքապետ Տարոն Մարգարյանի երդմնակալությունից հետո շփվել է լրագրողների հետ։

Ինչպես հայտնել է Կարապետյանը լրագրողներին, ինքը մտադիր չէ հրաժարական տալ։

Հայրենական ԶԼՄ-ները վերջին օրերին բազմիցս բարձրացրել են Կարեն Կարապետյանի սպասվելիք հրաժարականի հարցը: Ընդ որում` որոշ լրատվամիջոցներ պնդում են, որ վարչապետն արդեն 2 անգամ հրաժարական է տվել, սակայն նախագահ Սերժ Սարգսյանը հրաժարվել է այն ընդունել:

Վարչապետի պաշտոնում Կարապետյանի օրերը հաշված են>>

Ինքը` նախագահը, Տավուշի մարզ կատարած այցի ընթացքում հայտարարել էր, որ Կարեն Կարապետյանը ոչ մի պարճառ չունի հրաժարական տալու, ինչպես նաև հերքել էր տեղեկատվությունը, թե իր և Կարեն Կարապերյանի հարաբերությունները լարված են, ինչն էլ կարող էր նրա հրաժարականի պատճառ դառնալ:

«Հարաբերությունները շատ լավն են, հարգալից և գործնական»,- ասել է Կարապետյանը երկուշաբթի` պատասխանելով նախագահի հետ հարաբերություններին վերաբերող հարցին:

Այս համատեքստում վարչապետը չկարողացավ բացարտել, թե որտեղից է այդ դեպքում մամուլում հայտնվում տեղեկատվություն, թե նա մտադիր է հրաժարական տալ: -0-