ԵՐԵՎԱՆ, մայիսի 25. /Նովոստի-Արմենիա/. Հայաստանի վարչապետ Կարեն Կարապետյանը հինգշաբթի կառավարության նիստում հանձնարարեց մի շարք գերատեսչությունների ղեկավարներին միանման տեսք տալ երկրի շենքերի և շինությունների կտուրներին։
«Քաղաքաշինության և ճարտարապետության ոլորտի զարգացումները, ինչպես նաև զբոսաշրջության զարգացման ժամանակակից մոդելները ենթադրում են նույնանման ոճ և մոտեցումներ, մասնավորապես, շենքերի կտուրների մասով` դրանց տեսքի, նյութի, գույնի տեսանկյունից և այլն»,– նշեց Կարապետյանը։
Загружается новость ... "Лево"
Նրա խոսքով, այսօր Հայաստանում չկան ընդհանուր պահանջներ կտուրների ձևի և ոճի նկատմամբ։
«Հաշվի առնելով այդ ամենը` հանձնարարում եմ Քաղաքաշինության կոմիտեի նախագահին երկու ամսվա ընթացքում կառավարությանը ներկայացնել կտուրների և բազմաբնակարանային ու այլ շենքերի կտուրների և արտաքին այլ տարրերի նկատմամբ ընդհանուր պահանջների հաստատման առաջարկներ` բնակավայրերի միանման ճարտարապետական տեսք ապահովելու նպատակով»,– ընդգծեց վարչապետը։
Նա նշեց, որ եթե գործընթացը սկսվի այսօր, ապա որոշ ժամանակ անց պատկերը կփոխվի։ -0-
