ԵՐԵՎԱՆ, 25 հոկտեմբերի. /Նովոստի–Արմենիա/. Հայաստանի վարչապետի մամուլի խոսնակ Վլադիմիր Կարապետյանը «Ժամանակ» թերթին մեկնաբանել է Հայաստանի ԱԺ նախկին խոսնակ Արա Բաբլոյանի հայտարարությունը։
Ավելի վաղ Բաբլոյանը լրագրողներին ասել է, որ աջակցել է Նիկոլ Փաշինյանին իշխանության գալու հարցում` խախտում թույլ տալով։
«Բաբլոյանի հայտարարությամբ պետք է զբաղվեն իրավապահ մարմինները և քննեն, թե ինչ խախտում է կատարվել։ Հնարավոր է` Բաբլոյանը պետք է հրավիրվի բացատրություն տալու»,– ասաց Կարապետյանը։
Արա Բաբլոյանը որպես կասկածյալ է անցնում Հատուկ քննչական ծառայությունում Հայաստանի ՔՕ 300–րդ հոդվածի 1–ին մասով (Պետական իշխանությունը յուրացնելը) քրեական գործի նախաքննությամբ։ Հինգշաբթի նա հրավիրվել է ՀՔԾ հարցաքննության, որից հետո ասել է, որ չի կատարել որևէ խախտում, բացի այն մեկից, որն ավելի վաղ խոստովանել է։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում