ԵՐԵՎԱՆ, 7 փետրվարի./Նովոստի–Արմենիա/. Այսօր՝ փետրվարի 7-ին, Ազգային ժողովի «Իմ քայլը» խմբակցությունը հանդիպման է հրավիրել ՀՀ ֆինանսների նախարար Ատոմ Ջանջուղազյանին և նրա տեղակալ Կարեն Բրուտյանին, գրում է «168 ժամ» օրաթերթը։
Թերթի հաղորդմամբ, հանդիպման քննարկվելիք թեմաներից մեկը, բնականաբար, նախարարությունում աղմկահարույց պարգևավճարների հարցն է, որոնք հրապարակել էր «168 ժամը»:
«Ատոմ Ջանջուղազյանը, հիշեցնենք, ստացել էր ավելի քան 5 մլն դրամ պարգևավճար, նրա սանիկը՝ Կարեն Բրուտյանը՝ ավելի քան 7 մլն դրամ պարգևավճար, որն ամենաբարձր թիվն էր պարգևավճար ստացողների ցանկում», – նշում են հոդվածի հեղինակները:–0–
