Հինգշաբթի՝ օգոստոսի 11-ի առավել ուշագրավ նորությունները
12.08.2016,
08:00
«Նովոստի-Արմենիա» գործակալությունը ներկայացնում է հինգշաբթի՝ օգոստոսի 11-ի առավել ուշագրավ նորությունների իր տարբերակը։
ԵՐԵՎԱՆ, 12 օգոստոսի. /Նովոստի-Արմենիա/. «Նովոստի-Արմենիա» գործակալությունը ներկայացնում է հինգշաբթի՝ օգոստոսի 11-ի առավել ուշագրավ նորությունների իր տարբերակը։
- Ծանրամարտի 77 կգ քաշային կարգում Եվրոպայի գործող չեմպիոն Անդրանիկ Կարապետյանը Ռիոյի Օլիմպիական մրցումներում հրում վարժությունում առաջին մոտեցման ժամանակ չբարձրացրեց 195 կգ, իսկ երկրորդ մոտեցման ժամանակ, ծանրաձողը բարձրացնելիս, վնասվածք ստացավ և հանվեց հետագա պայքարից։ Ավելի ուշ հաղորդվեց, որ նրա մոտ ախտորոշվել է արմնկահոդի խախտում։
- ՀՀ նախագահ Սերժ Սարգսյանը որոշել է արտաքին քաղաքական ոլորտը վստահել իր աշխատակազմի ղեկավար Վիգեն Սարգսյանին։
- Ապօրինի զենք-զինամթերք ձեռք բերելու, իրացնելու, պահելու, փոխադրելու և պատանդ վերցնելու մեջ մեղադրվող «Սասնա ծռեր» խմբավորման անդամ Պավել Մանուկյանին առաջադրված մեղադրանքը լրացվել է։
-
Beeline–ի գլխավոր տնօրեն Անդրեյ Պյատախինը պատասխանել է «ԱրմենՏել» ՓԲԸ–ի (ապրանքանիշը` Beeline) հաճախորդների սպասարկման կենտրոնի հումորային քննադատությանը, որը հրապարակվել էր համացանցում տեսահոլովակի տեսքով։
-
Տիգրան Մեծի պողոտայում` «Տաշիր» առևտրի կենտրոնի մոտ, վրաերթի է ենթարկվել փողոցը չթույլատրելի հատվածով 2 անչափահաս երեխաների հետ անցնող մոտ 30 տարեկան մի կին։Նա փողոցը փորձել է հատել երկու անչափահաս երեխաների հետ։
-
Հայաստանի և Իրանի քաղաքացիները կարող են փոխայցելություններ կատարել առանց մուտքի արտոնագրի։ -0-
Պատճենել հղումը
