ՀՀԿ–ՀՅԴ հնարավոր կոալիցիայի հարցը մնաց անորոշ

ԵՐԵՎԱՆ, 5 փետրվարի. /Նովոստի–Արմենիա/. Հայաստանի հանրապետական կուսակցության գերագույն մարմնի` նախօրեին գումարված գիշերային նիստում ՀՀԿ–ՀՅԴ հնարավոր կոալիցիայի կայացման խնդրում այդպես էլ հստակություն չմտցվեց, գրում է «Ժողովուրդ» թերթը։

«Չնայած, ողջ քաղաքական դաշտը կանխատեսում Էր, որ երեկ հստակություն կմտցվի ՀՀԿ-ՀՅԴ հնարավոր կոալիցիայի կայացման խնդրում, սակայն Էլի տեղի չունեցավ»,– ասվում է գրառման մեջ։

Թերթի տեղեկություններով, կողմերը նախ չէին կարողանում համաձայնության գալ պաշտոնների շուրջ, քանի որ ՀՀԿ-ն չի ցանկանում ապագա կոալիցիոն գործընկերոջը տալ այն պաշտոնները, որոնք ՀՅԴ-ն է ցանկանում։

Բացի այդ, ՀՅԴ իր ապագա պաշտոնյաների համար լիակատար ազատության քարտ բլանշ է ուզում։

ՀՅԴ-ում համոզված են, որ այդ դեպքում կապ չունի, թե որ նախարարությունները և մարզերը իրենց կտրվեն, քանի որ իրենց նախարարները կկարողանան գործնական արդյունք ցույց տալ, ինչը ընտրողների շրջանում իրենց հեղինակությունը կբարձրացնի։ Սակայն նման հեռանկարը ևս ՀՀԿ-ի ղեկավար կազմի սրտով չէ։

Թերթը նշում է, որ հարցը, ենթադրաբար, կլուծվի մինչև շաբաթվա վերջ։ -0-