ԵՐԵՎԱՆ, 19 մայիսի. /Նովոստի-Արմենիա/. ՀՀ վարչապետ Հովիկ Աբրահամյանը հինգշաբթի նիստի ժամանակ առաջարկեց հետմահու պարգևատրել վերջին մարտական գործողությունների ժամանակ Արցախում զոհված երկու համայնքապետերին:
«Ես առաջարկում եմ պարգևատրել նրանց վարչապետի շքանշանով», - ասաց Աբրահամյանը:
Հայաստանի տարածքային կառավարման և զարգացման նախարար Դավիթ Լոքյանը հիշեցրեց, որ Սյունիքի մարզի Ախլաթյանի և Դարբասի համայնքապետեր Արմեն Բեգլարյանը և Մայիս Միրզոյանը հենց առաջին օրերից մասնակցել են մարտական գործողություններին և զոհվել:
«1989 թ.-ից ի վեր նրանք մասնակցել են ազատագրական մարտերին, ռազմական աստիճաններ ունեն, լավագույն ավագներն էին», - ասաց Լոքյանը:
Ապրիլի 2–ից 5–ն ադրբեջանական ԶՈՒ–ն ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակվողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում