ՀՀ–ում խոշոր ներդրողները խաղատներ բացելու թույլտվություն կստանան

ԵՐԵՎԱՆ, 20 հուլիսի. /Նովոստի–Արմենիա/. Հայաստանը խոշոր ներդրողներին խաղատներ բացելու համար արտոնագրեր ստանալու թույլտվություն կտա։

Կառավարությունն առաջարկում է փոփոխություններ կատարել «Շահումով խաղերի, շահումով ինտերնետ խաղերի և խաղատների մասին» օրենքի փոփոխություններ կատարել, հայտնում է «ԱՌԿԱ» գործակալությունը։ 

Ինչպես հինգշաբթի կառավարության նիստում հայտնեց Հայաստանի ֆինանսների նախարար Վարդան Արամյանը, գործող օրենքով նախատեսվում է, որ եթե տնտեսվարող սուբյեկտը 40 հազար և ավելի դրամի ներդրում է կատարում, նա հնարավորություն է ունենում շահումով խաղերի կազմակերպման արտոնագիր ստանալ։


Սակայն, նախարարի խոսքով, օրենքով չի կարգավորվում այն դեպքը, երբ որպես ներդրող հանդես է գալիս երկու և ավելի ընկերություն։

«Մենք նախատեսել ենք օրենսդրական նորմեր, որոնց համաձայն, եթե երկու և ավելի ներդրողներ համապատասխանում են բոլոր պահանջներին և կառավարության են ներկայացնում ծրագիր, որը հավանության է արժանանում, ապա իրավունք են ստանում խաղատուն բացել կամ շահումով խաղեր կազմակերպել դրանցից մեկի անունով` մյուս համաներդրողների համաձայնությամբ»,– ասաց Արամյանը։ -0-