ԵՐԵՎԱՆ, 17 մայիսի. /Նովոստի-Արմենիա/. ՀՀ Ազգային ժողովը երեքշաբթի երկրորդ ընթերցմամբ ընդունեց Ընտրական նոր օրենսգրքի նախագիծը: Նախագծին կողմ է քվեարկել 94 պատգամավոր, դեմ` 18, չորսը ձեռնպահ են մնացել:
Ընտրական նոր օրենսգիրքը նախատեսվում է ընդունել 2017 թ.-ի հերթական խորհրդարանական ընտրությունների նախաշեմին: Դրանք կլինեն առաջին ընտրությունները Սահմանադրության բարեփոխումներից և խորհրդարանական իշխանավարման անցնելուց հետո:
Ինչպես նշել է, ներկայացնելով նախագիծը, կառավարության աշխատակազմի ղեկավար-նախարար Դավիթ Հարությունյանը, փոփոխությունների հիմքում ընկած են բարեփոխված Սահմանադրության սկզբունքները: Նրա խոսքով, փորձ է արվել ստեղծել մեխանիզմներ, որոնք թույլ կտան խուսափել ավանդական ընտրական կեղծումներից, այսպես կոչված «կարուսելի» կիրառումից:
Օրինագծի համաձայն, մասնավորապես, ենթադրվում է քաղաքապետերի ընտրությունն անցկացնել ոչ թե ուղիղ քվեարկությամբ, այլ` Ավագանիների խորհրդի միջոցով ոչ միայն Երևանում, այլ նաև Գյումրիում և Վանաձորում: Նոր խորհրդարանը կձևավորվի բացառապես համամասնական հանակարգով: Ընդ որում, ԱԺ-ում, նախագծի համաձայն, կլինի առնվազն 101 պատգամավոր: Յուրաքանչյուր կուսակցություն կամ կուսակցական բլոկ պետք է ներկայացնի թեկնածուների մեկ համապետական ընտրացուցակ և մեկական ցուցակ` յուրաքանչյուր ընտրակատարածքի համար:
Արմատապես փոխվում է Կենտրոնական ընտրական հանձնաժողովի ձևավորման կարգը: Նախատեսվում է, որ ԿԸՀ-ն կազմավորվելու է խորհրդարանի կողմից, ընդ որում, լիարժեք քաղաքական համաչափություն ապահովելու համար, նախատեսվում է, որ ԿԸՀ-ի անդամներն ընտրվելու են պատգամավորների ձայների 3/5-ով (60 տոկոսով):
Փոփոխություններով և լրացումներով առաջարկվում է ձևավորել ընտրացուցակները նաև էլեկտրոնային տարբերակով, ինչը թույլ կտա բացառել ազգանունների կրկնությունը և ցուցակներում գոյություն չունեցող անձանց ներառումը:
Դիտորդների և վստահված անձանց մասով ևս կան նորամուծություններ: Եթե գործող օրենսգրքի համաձայն, այդ մարդկանց կարելի է հեռացնել ընտրատարածքից միայն ձերբակալման կամ կալանավորման պարագայում, ապա այժմ առաջարկվում է այդ իրավունքը տայլ նաև ընտրական հանձնաժողովի նախագահին: Եթե դիտորդը կամ վստահված անձը խախտի Ընտրական օրենսգրքի պահանջները, նախագահը իրավունքն կունենա հեռացնել նրանց ընտրատարածքից: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
