ՀՀ Աժ-ում առաջին անգամ ընտրեցին երեք փոխխոսնակների

ԵՐԵՎԱՆ, 19 մայիսի. /Նովոստի-Արմենիա/. Հայաստանի խորհրդարանն առաջին անգամ ընտրել է 3 փոխխոսնակների, որոնցից մեկն ընդդիմադիր ուժի ներկայացուցիչ է: Այս մասին խորհրդարանից հաղորդել է «Նովոստի-Արմենիա» գործակալության թղթակիցը:

Նոր Սահմանադրության համաձայն, ՀՀ ԱԺ-ն կազմված է լինելու նախագահից և երեք փոխխոսնակներից, որոնցից մեկը պետք է ներկայացված լինի ընդդիմության կողմից:

Իշխող Հայաստանի Հանրապետական կուսակցությունն արդեն 3-րդ անգամ փոխնախագահի պաշտոնում առաջադրել է Էդուարդ Շարմազանովին: Ղեկավարող կուսակցության երկրոդ թեկնածուն Արփինե Հովհաննիսյանն է, ով արդեն աշխատել է որպես պատգամավոր, որից հետո` արդարադատության նախարար, իսկ այնուհետև վերընտրվել է Հայաստանի խորհրդարանում։ Հայաստանի պատմության մեջ առաջին անգամ փոխխոսնակի պաշտոնում առաջադրվել է ընդդիմադիր ուժի ներկայացուցիչ: Այս պաշտոնում «Ծառուկյան» դաշինքն առաջադրել է Միքայել Մելքումյանի թեկնածությունը:

Փակ քվեարկության արդյունքում բոլոր երեք թեկնածուներն ընտրվել են առաջադրված պաշտոններին: Էդուարդ Շարմազանովի թեկնածությանը կողմ է քվեարկել 84, դեմ`13 պատգամավոր: Արփինե Հովհաննիսյանի օգտին կողմ են քվեարկել 73, դեմ` 22 պոտգամավոր, իսկ Միքայել Մելքումյանն ընտրվել է 65 կողմ և 29 դեմ ձայների հարաբերակցությամբ:

Շարմազանովն իր ելույթում շնորհակալություն է հայտնել ՀՀԿ-ին` իր թեկնածությունը բարձր պաշտոնում երրորդ անգամ առաջադրելու համար:

«Հույս ունեմ, որ առաջիկա 5 տարիները մենք այնպես կաշխատենք, որ իմ օգտին քվեարկած պատգամավորները չփոխեն իրենց դիրքորոշումը, իսկ նրանք, ովքեր ինչ-որ պատճառով կարծում են, որ ես արժանի չեմ այդ պաշտոնին` արձանագրեն, որ լավ ենք աշխատել ի բարօրություն մեր երկրի»,-ասել է նա:

Հովհաննիսյանն իր հերթին շնորհակալություն է հայտնել իր գործընկերներին, ովքեր «քվեարկել և անկեղծորեն արտահայտել են իրենց քաղաքական և քաղաքացիական դիրքորոշումը»:


Իսկ Միքայել Մելքումյանը, երախտագիտությունն հայտնելուց բացի` ընդգծել է, որ խորհրդարանական երկրում ընդդիմության առաջին փոխխոսնակը լինելն իր համար առաջին բարձր պաշտոնն է: -0-