ՀՀ-ում կիրականացվի ձմեռային զորակոչ և զորացրում. հայտնի են ժամկետները
ԵՐԵՎԱՆ, 23 դեկտեմբերի./Նովոստի-Արմենիա/. ՀՀ կառավարությունը դեկտեմբերի 24-ի նիստի ժամանակ կքննարկ ձմեռային զորակոչի և զորացրման հարցը:
Ինչպես նշվում է որոշման նախագծում, որը զեկուցվելու է կառավարության նիստի ժամանակ, «հայտարարել 2020 թվականի դեկտեմբերի 25-ից մինչև 2021 թվականի մարտի 31-ը ներառյալ Հայաստանի Հանրապետության արական սեռի այն քաղաքացիների շարքային կազմի պարտադիր զինվորական և այլընտրանքային ծառայությունների ձմեռային զորակոչը (այսուհետ` 2020 թվականի ձմեռային զորակոչ), որոնց 18 տարին լրանում է մինչև 2020 թվականի դեկտեմբերի 31-ը ներառյալ, ինչպես նաև այն քաղաքացիների, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2020 թվականի դեկտեմբերի 31-ը ներառյալ:
2020 թվականի ձմեռային զորակոչի շրջանակներում զինծառայողները, ովքեր ավարտել են պարտադիր զինվորական և այլընտրանքային ծառայությունը, զորացրվելու են մինչև 2021 թվականի փետրվարի 14-ը ներառյալ օրենքով սահմանված ժամկետում:
Հայաստանի Հանրապետության պաշտպանության նախարարին այս որոշումն ուժի մեջ մտնելուց հետո յոթ օրվա ընթացքում հանձնարարվել է հաստատել ձմեռային զորակոչ անցկացնելու և զորացրում կատարելու մասին հրամանը, որը նախատեսում է, որ զինված ուժերի համալրումը պարտադիր զինվորական կամ այլընտրանքային ծառայության ենթակա քաղաքացիների կողմից կիրականացվի 2021 թ. փետրվարի 8-ից մարտի 31-ը ներառյալ և պարտադիր զինվորական կամ այլընտրանքային ծառայություն անցած զինծառայողների զորացրում ՝ հունվարի 7-ից փետրվարի 14-ը ներառյալ:
Հայաստանի պաշտպանության նախարարությունն իրականացնում է զորակոչ և զորացրում տարեկան երկու անգամ ՝ ձմռանը և ամռանը:
Դեկտեմբերի 11-ին Արցախի նախագահ Արայիկ Հարությունյանը հրամանագիր է ստորագրել 2021 թվականի ձմեռային զորակոչ անցկացնելու և զորացրում կատարելու մասին, համաձայն որի զորակոչը կանցկացվի 2021 թվականի հունվար-փետրվար ամիսներին, իսկ զորացրումը ՝ 2021 թվականի հունվարին: -0-
