ԵՐԵՎԱՆ, 18 հունիսի. /Նովոստի Արմենիա/. Հայաստանի պաշտպանության նախարարության մամուլի խոսնակ Արծրուն Հովհաննիսյանը երկուշաբթի կառավարության նիստից հետո բացատրեց լրագրողներին Մանվել Գրիգորյանի տանը գտնված ապրանքների մի մասի ծագումը։
Հունիսի 16–ին ԱԱԾ մամուլի ծառայությունը հայտարարություն տարածեց` նշելով, որ ԱԺ պատգամավոր, գեներալ Մանվել Գրիգորյանը ձերբակալվել է ՀՀ քրեական օրենսգրքի 235-րդ հոդվածի 2-րդ մասով («Մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը») նախատեսված հանցագործություն կատարելու կասկածանքով: Հայաստանի Հանրապետության Սահմանադրության 96-րդ հոդվածով սահմանված կարգով, ԱԺ պատգամավորին ազատությունից զրկելու մասին անհապաղ տեղեկացվել է ՀՀ ԱԺ նախագահը: Իսկ հունիսի 18–ին ԱԱԾ–ն հրապարակեց սենսացիոն կադրեր Մանվել Գրիգորյանի ձերբակալությունից։ Տեսանյութում երևում է, որ Մանվել Գրիգորյանի հանգստյան գոտին վերածվել էր զինապահեստի, ռետրո և ժամանակակից ավտոմեքենաների ավտոպարկի: Ակնալճի ամառանոցը գեներալի համար ծառայել է «զինվորի բաժին» նշագրումով սննդի, հիգիենիկ պարագաների, դեղորայքի, զինվորական հանդերձանքի պահեստարանի:
Загружается новость ... "Лево"
«Անմիջապես Պաշտպանության նախարարությանը վերաբերող և զինված ուժերի համար արտադրված ապրանքներն օրինական կերպով են փոխանցվել «Երկրապահ» կամավորական միությանը։ Միությունը մոտ 20 տարի բանակային պահուստի ամենամյա հավաքներ է անցկացնում, ինչի համար դիմում է Պաշտպանության նախարարություն և տարբեր սննդամթերք ստանում»,– ասաց Հովհաննիսյանը։
Նա կոչ արեց չշփոթել այն, ինչ հատկացվել է Նախարարության կողմից, բայց չի օգտագործվել ըստ նշանակության, նրա հետ, ինչ հավաքվել է դպրոցներում կամ ուղարկվել արտերկրում ապրող հայրենակիցների կողմից։ -0-