ՀՀ նախկին արտգործնախարարը խստորեն հորդորել է անձնակազմին պահպանել հայկական պետական այս կառույցը (ՖՈՏՈ)

ԵՐԵՎԱՆ, 17 նոյեմբերի․ /Նովոստի-Արմենիա/․ ՀՀ ԱԳ նախարար Զոհրաբ Մնացականյանը հանդիպել է ԱԳՆ անձնակազմի հետ և ելույթ ունեցել։

Նոյեմբերի 16-ին ՀՀ Նախագահը հեռացրեց Զոհրաբ Մնացականյանին արտաքին գործերի նախարարի պաշտոնից վարչապետի առաջարկով, ով նույն օրը՝ ավելի վաղ, ԱԺ արտահերթ նիստի ժամանակ, հայտարարեց Մնացականյանին աշխատանքից ազատելու իր որոշման մասին: Նույն օրը նախարարը ներկայացրեց աշխատանքից ազատման դիմումը:

«Բոլորդ արդեն գիտեք իմ` հրաժարականի մասին դիմում ներկայացնելու լուրը:

Խստորեն հորդորում եմ պահպանել հայկական պետական այս կառույցը»,- ասել է Մնացականյանը։ 

«Ես հավատում եմ ձեզ և որևէ կասկած չունեմ դրանում: Շատ հպարտ եմ ձեզանով, և սպասելու եմ ձեզանից յուրաքանչյուրից լավագույն արդյունքի: Մենք ունենք շատ լավ երկիր, շատ լավ ժողովուրդ: Մեր հպարտությունը, ինքնավստահությունը, վճռականությունը տեղում են: Ուրեմն, շարունակե՛ք աշխատել ձեր ուժերի ողջ լարումով: Շնորհակալություն բոլորիդ: Սա ինձ համար շատ հարազատ տեղ է, և ես միշտ պահպանելու եմ այդ զգացումը»,- ասել է Մնացականյանը: 

Այս պաշտոնը Մնացականյանը զբաղեցնում էր 2018-թ․ի մայիսից: -0-