ԵՐԵՎԱՆ, 4 հոկտեմբերի. /Նովոստի–Արմենիա/. Հայաստանում ամենապահանջվածներն են` ծրագրավորման (20%), առևտրի և սպասարկման (16%), գովազդի և մարքեթինգի (9%) ոլորտի մասնագետներն ու ադմինիստրատիվ և գրասենյակային աշխատակիցները (8%)։
Այս մասին տեղեկացրեց Staff.am կարիերային հարթակի համահիմնադիր Լուիզա Ավետիսյանը` չորեքշաբթի «Նովոստի–Արմենիա» մամուլի կենտրոնում ներկայացնելով հայկական աշխատաշուկայում առավել պահանջված մասնագիտությունների թեմայով հետազոտության արդյունքները։ Հետազոտությունը կազմակերպել է Staff.am–ը։
Загружается новость ...
"Право"
Staff.am–ն անցկացրել է հետազոտություն` վերջին տարվա ընթացքում հավաքված վիճակագրական տվյալների հիման վրա։ Հետազոտությունը ներարում է հետևյալ թեմաները. թափուր աշխատատեղերի բաշխում ըստ մասնագիտությունների, «Տեղեկատվական տեխնոլոգիաների» հետազոտություններ, «Ֆինանսներ, բանկ և ապահովագրում», «Տուրիզմ և ժամանց», աշխատատեղերի բաշխում նեղ մասնագիտացված ոլորտներով և այլ։
Ավետիսյանի խոսքով, աշխատատեղերի քանակությամբ Հայաստանի աշխատաշուկայում առավել ակտիվ են ՏՏ ոլորտի ընկերությունները։ «Ծրագրավորողների կարիք կա ոչ միայն ՏՏ ոլորտում, այլ նաև բանկերում, ֆինանսական ոլորտում և այլ», – նշեց Ավետիսյանը։
Նա ավելացրեց, որ Հայաստանում ամենից շատ աշխատատեղեր առաջարկում են ՏՏ ոլորտի ընկերությունները (35%), բանկերը, ֆինանսական և ապահովգրական կազմակերպությունները (12%), առևտրային ընկերությունները (12%), հեռահաղորդակցման ձեռնարկությունները (7%), նաև զբոսաշրջության և ժամանցի բնագավառի ընկերությունները (6%)։
Ավետիսյանը նշեց, որ Հայաստանի մարզերի քաղաքների շարքում աշխատանքի մասին հայտարարությունների քանակությամբ առավել ակտիվ են Աբովյանը (17%), Դիլիջանը (12%), Արմավիրը (8%), Գյումրին (8%), Մարտունին (8%) և Ջերմուկը (6%)։
«Աշխատանքի մասին հայտարարություններ մարզերում, որպես կանոն, ներկայացնում են մասնաճյուղերի լայն ցանց ունեցող ընկերությունները` բանկեր, ֆիանսական ձեռնարկություններ, հեռահաղորդակցման ընկերություններ և այլ», – ասաց նա։
Staff.am–ի համահիմնադիր Վահե Ավետիսյանն իր հերթին նշեց, որ հետազոտություններն անցկացվում էին Staff.am պորտալի տվյալների հիման վրա։
«Ներկա պահին մենք 60 հազար հետևորդ ունենք և մոտ 4 հազար ակտիվ այցելություններ ամեն օր, դրանք այն մարդիկ են, որոնք աշխատանք են փնտրում», – ասաց Ավետիսյանը։
Նրա խոսքով, Staff.am–ը ստեղծվել է նորագույն տեխնոլոգիաների օգնությամբ, և Հայաստանում չկա նմանը»։
«Կայքն ունի iОS-ի և Android-ի վրա հիմնված հավելվածներ։ Ամեն ամիս մենք մշակում ենք մեծ թվով տվյալներ», – նշեց նա։ –0–