ԵՐԵՎԱՆ, 22 ապրիլի. /Նովոստի–Արմենիա/. Հայաստանի Հանրապետության անձնագրի վարկանիշն ակտիվ աճում է վերջին 3-4 տարիներին, երկուշաբթի խորհրդարանում ասաց ԱԳ փոխնախարար Գրիգոր Հոհվաննիսյանը` մեկնաբանելով պատգամավորի այն հայտարարությունը, թե հայկական անձնագիրը զգալիորեն զիջում է տարածաշրջանի երկրներին։
Նա նշեց, որ միայն Վրաստանն է որոշակիորեն առաջ անցել Հայաստանից` հաշվի առնելով ԵՄ–ի հետ արտոնյալ նոր ռեժիմը։
«Սակայն մենք այդքան էլ հետ չենք մնում, մենք աշխատում ենք Աֆրիկայի, Մերձավոր Արևելքի երկրների և այլ տարածաշրջանների հետ։ Ադրբեջանի հետ համեմատ նույնպես այդքան էլ հետ չենք մնում` նրանք ակտիվ աշխատում են Իսլամական աշխարհի երկրների հետ, մենք` Լատինական Ամերիկայի և մյուս տարածաշրջանների, բայց դեռ շատ անելիք կա այս ուղղությամբ»,– ասաց Հովհաննիսյանը։
Նա միաժամանակ նշեց, որ վերջին 3-4 տարիներին տվյալ ուղղությամբ դրական դինամիկա է նկատվում։
Загружается новость ...
"Право"
«Հայաստանին ավելի դյուրին է արտոնյալ վիզային ռեժիմներ ստանալ տարբեր երկրների հետ, և այժմ բանակցություններ են գնում մի քանի նոր երկրների հետ»,– ասաց Հովհաննիսյանը։
Henley & Partners–ի հրապարակած «Անձնագրերի ինդեքս» 2019 թ.–ի հերթական վարկանիշի համաձայն, Հայաստանը երեք ամիսների ընթացում 79–րդ տեղից բարձրացել է 78–րդ հորիզոնական։
Ինչպես նշվում է հետազոտության մեջ, այժմ այն երկրների թիվը, որտեղ մեկնելու համար Հայաստանի քաղաքացիներին մուտքի արտոնագիր չի պահաջվում, հասնում է 62–ի։ Վրաստանի ցուցանիշները չեն փոխվել` 114, իսկ Ադրբեջանի քաղաքացիներին առանց վիզայի ուղևորվելու համար հասանելի են 67 պետություններ։ -0-
