ԵՐԵՎԱՆ, 1 նոյեմբերի. /Նովոստի-Արմենիա/. Հայաստանն ընդգրկվել է ռուսաստանցիների շրջանում գաստրոնոմիական զբոսաշրջության նախընտրելի ուղղությունների լավագույն հնգյակում, հայտնում է հյուրանոցների որոնման RoomGuru.ru ծառայությունը։
Ծառայությունը սահմանել է 2016-ի աշնանը ռուս զբոսաշրջիկների նախընտրած գաստրոնոմիական ուղղությունները:
Աշնան առավել նախընտրելի ուղղությունների առաջին հնգյակում են նաև` Բելառուսը, Վրաստանը, Ադրբեջանն ու Իտալիան:
Վարկանիշը կազմվել է 2016-ի սեպտեմբերի 1-ից նոյեմբերի 30-ը լավ խոհանոցով կամ կերակուրով, սննդի հետ կապված փառատոների անցկացման քաղաքներում հյուրանոցների որոնման տվյալների հիման վրա:
Նշվում է, որ լավ խոհանոցով հյուրանոցներ ընտրող զբոսաշրջիկները 24 ժամում ծախսում են միջինը 4,3 հազար ռուբլի, ինչը 40%-ով ավելի է մյուս զբոսաշրջիկների համեմատ:
RoomGuru.ru (HotelsCombined)-ն ճանաչվել է հյուրանոցների որոնման լավագույն կայքն աշխարհում վերջին 3 տարվա տվյալներով, ըստ World Travel Awards-ի: -0-