Հայաստանը Ռուսաստանի բարեկամների տասնյակում է

ԵՐԵՎԱՆ, 5 հունիսի. /Նովոստի–Արմենիա/. Հայաստանը զբաղեցնում է Ռուսաստանի բարեկամական երկրների վարկանիշի վեցերորդ տեղը, ռուսական խոշորագույն հետազոտական ընկերություններից մեկի` Յուրի Լևադայի վերլուծականա կենտրոնի անցկացրած հարցման արդյունքներով։

Հարցումն անցկացվել է 2017 թվականի մայիսի 19–22–ը 18 տարեկանից բարձր քաղաքային և գյուղական բնակչության շրջանում` երկրի 48 շրջանների 137 բնակավայրարում։ Հետազոտությունն անցկացվել է հարցվողի տանը` անձնական հարցազրույցի տեսքով։

Հարցման ընթացքում հարցվողներին խնդրել են նշել Ռուսաստանի բարեկամական դաշնակից երկրներ` Հայաստանի օգտին քվեարկել է հարցվածների 12 տոկոսը։

Ռուսներն իրենց ամենամոտ են համարում Բելառուսին (ձայների 46%), այնուհետև Չինաստանն է (39%), Ղազախստանը (34%), Սիրիան (15%) և Հնդկաստանը (14%)։


Ադրբեջանը տասներորդ տեղն է զբաղեցնում Ռուսաստանի բարեկամ երկրների ցանկում (ձայների 9%), իսկ Վրաստանը` 19–րդը (4%)։

Հայաստանը Ռուսաստանի նկատմամբ թշնամական տրամադրված է համարել հարցվածների պակաս, քան 1 տոկոսը։

2016 թվականի համեմատ Հայաստանը մեկ հորիզոնականով իջել է Ռուսաստանի բարեկամ երկրների վարկանիշում` նախորդ տարի Հայաստանի օգտին էր քվեարկել հարցված ռուսաստանցիների 13 տոկոսը։ -0-