Հայաստանում կտրուկ կցրտի

ԵՐԵՎԱՆ, 1 դեկտեմբերի. /Նովոստի–Արմենիա/. Հայաստանում դեկտեմբերի 1–ին օդի ջերմաստիճանը կնվազի 5-7 աստիճանով, հայտնում է Հայհիդրոմետկենտրոնը։

Ամենից ցուրտ կլինի առաջիկա հինգ օրերին գիշերը Շիրակի և Գեղարքունիքի մարզերում, ինչպես նաև Կոտայքի, Արագածոտնի և Վայոց Ձորի լեռներում` այդ մարզերում սնդիկի սյունը կնվազի մինչև 5-10 աստիճան ցուրտ։

Երևանում դեկտեմբերի 1-5–ը ցերեկն օդը կտաքանա մինչև 7-9 աստիճան տաքություն, իսկ գիշերը ջերմաստիճանը կնվազի մինչև 2-4 աստիճան ցուրտ։

Միաժամանակ ձմռան առաջին օրերին հանրապետությունում տեղումներ չեն սպասվում։ Քամին կլինի արևմտյան` 3-8 մետր վայրկյան արագությամբ։ -0-