ԵՐԵՎԱՆ, 19 հունվարի. /Նովոստի-Արմենիա/. Հայաստանում ընտանեկան բռնության դեպքերը վերջին տարիներին ավելացել են, «Նովոստի-Արմենիա» գործակալությանը հայտնեց «Ընդդեմ կանանց նկատմամբ բռնության կոալիցիայի» համակարգող Զարուհի Հովհաննիսյանը:
«2015 թ.-ին ՀՀ ՔԿ-ն հետաքննել է 16 քրեական գործ` կապված կանանց սպանության 10 դեպքերի հետ: 2016 թ.-ին մենք անցկացրինք սեփական մոնիթորինգը, որի արդյունքում պարզեցինք տասը կանանց սպանության դեպք, այդուհանդերձ, ՔԿ-ն առայժմ 2016 թ.-ի արդյունքները չի ամփոփել: Նախորդ տարի գրանցվել է «թեժ գծերին» հեռախոսազանգերի ահազանգերի քանակը, ընտանեկան բռնության ահազանգների քանակը հասել է 5 հազարի, մինչդեռ 2015 թ.-ին դրանք երկու անգամ ավելի քիչ էին», - «Նովոստի-Արմենիա» գործակալությանն ասաց Հովհաննիսյանը:
Նա ընդգծեց, որ Հայաստանում ընտանեկան բռնության աճի պատճառները տարբեր են: «Դրանք սոցիալական, տնտեսական խնդիրներն են, ինչպես նաև ռազմական լարվածությունը և այլ սթրեսային իրավիճակները, որոնք ազդում են ընտանեկան խնդիրների վրա», - ավելացրեց Հովհաննիսյանը:
«Այսօր մենք ներկայացնում ենք դատաիրավական համակարգում կանանց նկատմամբ խախտումների վերաբերյալ զեկույց, որում նշվում են նաև խտրականության խնդիրներ: Բացի այդ, այսօր կներկայացվի վավերագրական ֆիլմ, որը ներկայացնում է ընտանեկան բռնության զոհ դարձած յոթ կանանց պատմությունները”, - նշեց Հովհաննիսյանը:
Նրա խոսքով, մոնիթորինգն իրականացվել է մեկ տարվա ընթացքում և ներառել է 2010-2016 թթ.-ի քրեական գործերը: Նա ընդգծեց, որ ուսումնասիրվել է տասը քրեական գործ: «Դրանցից երեքը` ընտանեկան բռնության հետևանքով սպանություն», - ավելացրեց Հովհաննիսյանը:
Նա նշեց, որ ընտանեկան բռնության դեմ արդյունավետ պայքարել կարելի է միայն համապատասխան օրենսդրության մշակման և կրթության մակարդակի բարձրացման համար միջոցառումների անցկացման դեպքում: «Հայաստանում իրավաբանները մարդու իրավունքների պաշտպանության ոլորտում չեն ստանում պատշաճ գիտելիքներ, մասնավորապես, վերաբերող գենդերային հավասարությանը», - ընգդծեց Հովհաննիսյանը: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
