ԵՐԵՎԱՆ, 16 նոյեմբերի. /Նովոստի–Արմենիա/. Հայհիդրոմետկենտրոնը ներկայացնում է առաջիկա օրերի եղանակի կանխատեսումը։
Այսպես, նոյեմբերի 16-17–ին հանրապետության մարզերի մեծամասնությունում սպասվում են տեղումներ, լեռնային շրջաններում` թաց ձյան տեսքով։ Իսկ նոյեմբերի 18-20–ին ամբողջ երկրում սպասվում է առանց տեղումների եղանակ։
Քամին կլինի հարավ–արևմտյան` 3-8 մետր վայրկյան արագությամբ։
Օդի ջերմաստիճանը նոյեմբերի 18–ի լույս գիշերը կնվազի 2-3 աստիճանով։
Ամենից ցուրտ կլինի նոյեմբերի 18-20–ի գիշերային ժամերին Շիրակի մարզում, որտեղ սնդիկի սյունը կիջնի մինչև 5-10 աստիճան ցուրտ։ Զրոյից ցածր 5-8 աստիճան է սպասվում նույն ժամանակահատվածում Գեղարքունիքի մարզում, ինչպես նաև Կոտայքի, Արագածոտնի և Վայոց Ձորի լեռներում։
Երևանում առաջիկա հինգ օրերին ցերեկային ժամերին օդը կտաքանա մինչև 11-13 աստիճան տաքություն։ Կիրակի լույս գիշերը և հաջորդ երկու գիշերներին օդի ջերմաստիճանը կնվազի մինչև 2-4 աստիճան տաքություն։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում