Հայաստանում ավիացիայի զարգացման ռազմավարական ուղղություններն ըստ Փաշինյանի (ՎԻԴԵՈ)
15:35
04 Հունիսի 2019
ԵՐԵՎԱՆ, 4 հունիսի. /Նովոստի–Արմենիա/. Օդային փոխադրումները Հայաստանի համար ունեն ռազմավարական նշանակություն, քանի որ, ցավոք, երկիրը կիսաշրջափակված իրավիճակում է, երեքշաբթի ասաղ Հայաստանի վարչապետ Նիկոլ Փաշինյանը։
«Այս պայմաններում օդային տրանսպորտը չափազանց կարևոր նշանակություն ունի: Անշուշտ, ուրախալի է, որ այս ոլորտում արդեն կան դրական արդյունքներ, և մենք ապագային ավելի լավատեսական օրակարգով ենք նայում»,– ասաց նա «Կորպորասիոն Ամերիկա» ընկերության ղեկավարության համաժողովում։
Նրա խոսքով, Էռնեկյան ընտանիքին և նրան պատկանող «Կորպորասիոն Ամերիկա» ընկերությանը հաջողվել է Հայաստան բերել ավիափոխադրումների իրականացման նոր մշակույթ «Զվարթնոց» միջազգային օդանավակայանի կառավարման միջոցով։
«Կորպորասիոն Ամերիկա»–ին պատկանող «Արմենիա միջազգային օդանավակայաններ» ընկերությունը «Զվարթնոց» և «Շիրակ» օդանավակայանների կոնցեսիոն կառավարիչն է։
«Բոլորս հպարտ ենք մեր օդանավակայանով, որովհետև տեսնում ենք, որ այն համապատասխանում է միջազգային լավագույն չափանիշներին և համոզված ենք, որ առաջիկայում այն մեզ հպարտանալու նորանոր առիթներ կտա»,- ասել է Նիկոլ Փաշինյանը:
Կառավարության ղեկավարը միաժամանակ կարևորեց «Զվարթնոցի» թողունակության բարձրացման քայլերը։
«Մենք այժմ խոսում ենք «Զվարթնոց» օդանավակայանի ընդլայնման մասին, սա բավականին լավ լուր է, որ օդանավակայանը փաստորեն հասնում է առավելագույն թողունակության»,– ասաց նա` ընդգծելով օդանավակայանի զարգացման ոլորտում ներդրումների կարևորությունը։
Այս համատեքստում, Փաշինյանը նշեց մասնավոր հատվածի և պետության գործակցության կարևոր դերը։ «Ցավոք, Հայաստանի Հանրապետությունում տեղական ավիափոխադրողների գործունեությունը և ծավալներն այնպիսին չեն, ինչպիսին մենք կցանկանայինք, ինչպիսին վայել է անկախ, ինքնիշխան երկրին: Սա պետք է լինի մեր համագործակցության հաջորդ ուղղությունը, որպեսզի կառավարությունը և «Զվարթնոց» միջազգային օդանավակայանը, Կորպորասիոն Ամերիկա ընկերությունն իրար հետ համագործակցված կարողանան ստեղծել այնպիսի պայմաններ, որ հնարավոր լինի հայկական ավիափոխադրողի կամ ավիափոխադրողների ի հայտ գալն ու նրանց մրցունակությունն ապահովելը»,– ասաց նա։
Ապրիլ–մայիսին «Զվարթնոց» օդանավակայանում թռիչքուղու ծավալուն վերանորոգման համար ներդրվել է 12 մլն դոլար։
Կարևորելով Երևանում «Կորպորասիոն Ամերիկա» համաժողովի անցկացումը` Փաշինյանը բարձր է գնահատել Էռնեկյան ընտանիքի գործունեությունը ոչ միայն ավիացիայի, այլ նաև գինեգործության և այլ ոլորտներում։
«Ամենևին պատահական չէ, որ Էդուարդո Էռնեկյանը Հայաստանի Հանրապետության ազգային հերոս է: Այդ բարձր կոչումն արտահայտում է այն ներդրումը, որ նա ունեցել է Հայաստանի Հանրապետության զարգացման գործում և համոզված ենք, որ կշարունակի ունենալ»,– ընդգծեց Փաշինյանը։ -0-
Փաշինյանն անդրադարձել է ԼՂ-ից բռնի տեղահանված որոշ շրջանակի կողմից կամա թե ակամա արվող գործողություններին ու քայլերին, որոնք սպառնալիք են ստեղծում ՀՀ ազգային անվտանգության համար
Ռոսատոմի գլխավոր տնօրենի տեղակալն ասել է որ Ռոսատոմն ունի ցանկացած տեսակի տեխնոլոգիա, և նրանք կարող են կատարել Հայաստանի ղեկավարության ցանկացած որոշում
Կալանքի տակ գտնվող հասարակական–քաղաքական գործիչ, «Իմնեմնիմի» փոդքասթի համահեղինակ Վազգեն Սաղաթելյանը հայտարարել է, որ կալանքի տակ գտնվելը չի ազդի փոդքասթի աշխատանքի վրա