Հայաստանի վարչապետը ոչ միայն իշխանությունների, այլ նաև ընդդիմության և հասարակության կարիքն ունի. խոսնակ

ԵՐԵՎԱՆ, 24 հոկտեմբերի. /Նովոստի–Արմենիա/. Հայաստանի նոր վարչապետ Կարեն Կարապետյանը ոչ միայն իշխանությունների, այլ նաև ընդդիմության և հասարակության կարիքն ունի, երկուշաբթի լրագրողներին ասաց Հայաստանի Ազգային ժողովի խոսնակ Գալուստ Սահակյանը։

«Նրա ամբողջ ծրագիրը բխում էր նրանից, որ նա որպես նախաձեռնող կշարժվի առաջ, իսկ մնացածը պետք է կարողանան նրան սատարել։ Պետության ոչ մի երևույթ չի լուծվում մեկ կամ տասնյակ մարդկանցով։ Հասարակությունը պետք է մասնակցի բոլոր գործընթացներին»,– ասաց Սահակյանը։

Խոսնակը միաժամանակ նշեց, որ առաջիկայում այդ աշխատանքի որոշ արդյունքներ ակնհայտ կլինեն։
Խոսելով կոռուպցիայի դեմ պայքարի մասին, որ հայտարարել է նորանշանակ վարչապետը, Սահակյանը նշեց, որ ցանկացած կառավարության առաջին և կարևոր քայլը, լինի դա Հայաստանում, թե աշխարհի մեկ այլ երկրում, կոռուպցիայի դեմ պայքարն է։

«Հասարակությունում մշտապես խոսվում է կոռուպցիոն երևույթների մասին, և լավ կլիներ, եթե որոշ գործեր բացվեին, եթե նմանատիպ խախտումներ կան»,– ասաց խոսնակը։

Ինչ վերաբերում է ներդրողների աջակցության հարցին, ապա Սահակյանը նշեց, որ իշխանությունները կանոնավոր կերպով ասում են դրա մասին։ -0-