«SAS» սուպերմարկետների ցանցի սեփականատերը սուտ է անվանել նախընտրական կեղծիքների մեղադրանքը

ԵՐԵՎԱՆ, 6 փետրվարի. /Նովոստի-Արմենիա/. «SAS» սուպերմարկետների ցանցի սեփականատեր, իշխող ՀՀԿ պատգամավոր Արտակ Սարգսյանը սուտ է անվանել իր հասցեին ընտրակեղծիքների առնչությամբ հնչած մեղադրանքները։

Երկուշաբթի Ազգային ժողովի նիստի ժամանակ ընդդիմադիր պատգամավոր Նիկոլ Փաշինյանը հայտարարեց, որ տեղեկություն ունի այն մասին, որ Սարգսյանը «SAS» սուպերմարկետի բոլոր աշխատակիցներին ստիպել է գրանցումից դուրս գալ և գրանցվել այն ընտրատարածքում, որտեղ նա իր թեկնածությունն է առաջադրում (Արաբկիր):

«Դա սուտ է», - ասաց Սարգսյանը` պատասխանելով լրագրողների հարցերին ԱԺ կուլուարներում: -0-