Հայաստանի խորհրդարանն ընդունել է աղմկահարույց Դատական օրենսգիրքը

ԵՐԵՎԱՆ, 21 դեկտեմբերի. /Նովոստի–Արմենիա/. Հայ խորհրդարանականները, չնայած քվեարկությանը խոչընդոտելու բոլոր փորձերին, լրացումներ ընդունեցին Դատական օրենսգրքում։

Քվեարկության արդյունքում փաստաթղթին կողմ է քվեարկել 64 պատգամավոր, ինչը մեկ պատգամավորով ավելի է, քան անհրաժեշտ է փաստաթղթի ընդունման համար նվազագույնի համար։ Հաշվի առնելով, որ Դատական օրենսգիրքը երկրի հիմնական կառուցակարգային օրենքներից է, դրանում լրացումներ կատարելու համար անհրաժեշտ է ապահովել պատգամավորների 3/5 ձայները։

Մինչև այդ «Ելք» ընդդիմադիր խմբակցությունը փորձել է երկարաձգել քվեարկությունը և քվեարկությունից առաջ 20–րոպեանոց չորս ընդմիջում է վերցրել։


Սակայն չորրորդ ընդմիջումից հետո Հայաստանի Ազգային ժողովի խոսնակ Արա Բաբլոյանը հասցրեց քվեարկություն հայտարարել նախքան «Ելքի» հերթական ընդմիջման խնդրանքը։ Արդյունքում քվեարկությունն ընդմիջվեց «Ելք» խմբակցության ներկայացուցիչների` խոսնակից ավելի բարձր բղավելու և քվեարկությանը խանգարելու փորձերով, ինչից հետո Բաբլոյանը հայտարարել է կրկնակի քվեարկության մասին, և օրինագիծն ընդունվել է։

Դատական օրենսգրքում առաջարկվող փոփոխություններով, նախատեսվում է ստեղծել Երևանի առաջին ատյանի միասնական դատարան, որը կհավաքի բոլոր գործերն ու հետո կուղարկի առաջին ատյանի համայնքային դատարաններ։ Փոփոխությունների հեղինակների գնահատականներով, նման մոտեցումը թույլ կտա ապահովել արդար դատավարություն, ինչի արդյունքում գործերը կքննվեն խելամիտ ժամկետներում։

Նիկոլ Փաշինյանի գնահատականով, օրինագիծն առաջին ընթերցմամբ ընդունվել է կանոնակարգի խախտումներով և չի կարող ներկայացվել երկրորդ ընթերցման, քանի որ ոչ բոլոր ձայներն են կոռեկտ հաշվարկվել։

Ավելի վաղ «Ծառուկյան» ընդդիմադիր դաշինքը ողջ կազմով լքել էր նիստերի դահլիճը Դատական օրենսգրքի լրացումների քննարկման ժամանակ։

Լրացումների հեղինակների գնահատականով, նման մոտեցումը թույլ կտա ապահովել արդար դատական վարույթ և գործերի քննություն խելամիտ ժամկետներում, ինչպես նաև բեռնաթափել դատական համակարգը և էապես ֆինանսական ռեսուրսներ տնտեսել։ -0-