ԵՐԵՎԱՆ, 10 օգոստոսի. /Նովոստի–Արմենիա/. Հայաստանում կարող է ստեղծվել «Կայունացման հիմնադրամ», որի միջոցով կհաջողվի պահպանել էլեկտրաէներգիայի գործող սակագները մինչև 2036 թվականը, հինգշաբթի կառավարության նիստում հայտնեց Հայաստանի էներգետիկ ենթակառուցվածքների և բնական պաշարների նախարար Աշոտ Մանուկյանը։
Նրա խոսքով, հիմնադրամի ստեղծման հարցն արդեն քննարկվում է Ֆինանսների նախարարության և փոխվարչապետի հետ։
«Դա բավականին հավակնոտ ծրագիր է։ Այժմ մենք փորձում ենք միջոցներ գտնել այս նախագծի իրագործման համար, ինչը թույլ կտա մեզ բացառել առաջիկա տարիներին Հայաստանի էլեկտրաէներգիայի սակագների վրա արտաքին ազդեցությունները»,– նշեց նախարարը։
Նա ընդգծեց, որ այս հարցի լուծումից հետո կառավարությանը կներկայացվի համապատասխան հայեցակարգ։
Загружается новость ... "Лево"
«Մենք պետք է հաշվի առնենք հիդրոներուժը և հասկանանք, թե ինչ քայլեր պետք է ձեռնարկենք էներգետիկ անվտանգության ապահովման համար»,– ավելացրեց Մանուկյանը։
Հայաստանի Հանրային ծառայությունները կարգավորող հանձնաժողովի որոշումը երկրի բնակչության համար էլեկտրաէներգիայի սակագնի նվազեցման վերաբերյալ ուժի մեջ է մտել 2017 թվականի փետրվարի 1–ից։ Նախորդ տարվա դեկտեմբերի 23–ին ընդունած ՀԾԿՀ որոշման համաձայն, բնակչության համար էլեկտրաէներգիայի սակագինը նվազել է 1.22 դրամով։ -0-
