Հայաստանի և Իրանի ռազմական գերատեսչությունների ղեկավարները քննարկել են գործակցության հեռանկարները

ԵՐԵՎԱՆ, 30 հունվարի. /Նովոստի-Արմենիա/. Հայաստանի պաշտպանության նախարար Վիգեն Սարգսյանը երկուշաբթի պաշտոնական այցով մեկնել է Իրան իր իրանացի գործընկեր Հոսեյն Դեհղանի հրավերով, հայտնում է հայկական պաշտպանական գերատեսչության մամուլի ծառայությունը։

«Բանակցությունների ընթացքում կքննարկվեն երկկողմ պաշտպանական համագործակցության ներկա վիճակն ու զարգացման հեռանկարները, ինչպես նաև միջազգային ու տարածաշրջանային անվտանգությանը վերաբերվող խնդիրներ և երկկողմ հետաքրքրություն ներկայացնող այլ հարցեր»,– ասվում է հաղորդման մեջ։

ՀՀ պաշտպանության նախարարը հանդիպումներ կունենա նաև ԻԻՀ գործադիր և օրենսդիր իշխանության մարմինների բարձրաստիճան ղեկավարության հետ, կայցելի տարբեր գիտահետազոտական և արդյունաբերական ձեռնարկություններ:

Թեհրանում ՀՀ պաշտպանության նախարարը կհանդիպի նաև իրանահայ համայնքի ներկայացուցիչների հետ: -0-