Օդերևութաբանները պատմել են Հայաստանում առաջիկա օրերի եղանակի մասին

ԵՐԵՎԱՆ, 9 դեկտեմբերի. /Նովոստի-Արմենիա/. Հայհիդրոմետկենտրոնը ներկայացրել է Հայաստանի եղանակի` առաջիկա օրերի կանխատեսումը:

Այսպես, այսօրվանից մինչև դեկտեմբերի 14-ը բոլոր մարզերում և Երևանում սպասվում է առանց տեղումների եղանակ:

Քամին կլինի հարավ-արևմտյան` 3-8 մետր վայրկյան արագությամբ:
Օդի ջերմաստիճանը դեկտեմբերի 12-13-ին կբարձրանա 2-3 աստիճանով:

Երևանում այդ ժամանակահատվածում ցերեկային ժամերին սնդիկի սյունը ցույց կտա 3-6 աստիճան տաքություն, իսկ գիշերները ջերմաստիճանը կտատանվի 3-7 աստիճան ցրտի սահմաններում: -0-