Հայաստանի բնակչության մոտ 1 միլիոնը տառապում է հիպերտոնիայով

ԵՐԵՎԱՆ, 12 ապրիլի. /Նովոստի-Արմենիա/. Հայաստանի մոտ 1 մլն բնակիչներ տառապում են զարկերակային հիպերտենզիայով (զարկերակային կայուն բարձր ճնշում), ասաց «Սուրբ Գրիգոր Լուսավորիչ» ԲԿ–ի սիրտ–անոթային հիվանդությունների ծառայության ղեկավար Լևոն Քոչարյանը։

Նրա խոսքով, սիրտ–անոթային հիվանդություններով տառապող մարդկանց թիվն աշխարհում զբաղեցնում է առաջին տեղը։ Եվրոպայում, օրինակ, 18 տարեկանից բարձր անձանց թվում այդ հիվանդության մակարդակը կազմում է 30-40 տոկոս։

Հայաստանում, մասնագետի խոսքով, ցուցանիշներն առնվազն նույնն են, հնարավոր է` ավելի բարձր։

Քոչարյանը նշեց, որ այս պատկերը հիմնականում պայմանավորված է նրանով, որ հիվանդը չի վերահսկում հիվանդության զարգացումը։

«Հատկապես ակնհայտ է դա մարզերում»,– ավելացրեց նա։

Պատճառը, մասնագետի կարծիքով, դեղորայքի ոչ ժամանակին ընդունելն է։ -0-