Հայաստանի առողջապահության նախարարը հերքեց ռուսաֆիլության և կադրային զտումների վերաբերյալ մեղադրանքները

ԵՐԵՎԱՆ, 4 նոյեմբերի. /Նովոստի–Արմենիա/. Հայաստանի առողջապահության նախարար Լևոն Ալթունյանը հինգշաբթի լրագրողների հետ զրույցում հերքեց ռուսաֆիլության և կադրային զտումների մեղադրանքները։

Լրագրողները մեղադրեցին նախարարին նրա համար, թե Ալթունյանն իր աշխատողներից պահանջում է խոսել ռուսերեն և որ պատրաստվում է կրճատել նախարարության աշխատակիցների 95 տոկոսին, ովքեր, լինելով բժիշկներ, կատարում են ֆինանսիստների և մենեջերների գործառույթներ։

«Ես դեռ չգիտեմ, թե ինչ եմ անելու։ Եթե գտնենք ֆինանասկան ոլորտում աշխատող բժիշկի, ապա կկրճատենք։ Ես ցանկություն ունեմ աշխատելու ցանկացած մարդու հետ, ով օգուտ է բերում ոլորտին։ Լավ մասնագետները կաշխատեն, պահանջներին չհամապատասխանողները` ոչ։ Կրճատումներ չեմ նախատեսում»,– ասաց Ալթունյանը։

Ինչ վերաբերում է ռուսաց լեզվին, ապա նման հայտարարությունները նախարարը սուտ անվանեց։ «Հայաստանի մայրենի և պետական լեզուն հայերենն է,– ասաց Ալթունյանը։ – Հորդորում եմ ձեզ չհավատալ այդպիսի հայտարարությունների»։ Նա նաև մեկնաբանեց այն տեղեկությունը, որ նա ութ խորհրդական ունի, մինչդեռ որ ինքն է պնդում աշխատակազմի օպտիմալացման անհրաժեշտությունը։

«Ես այսօր կհաշվեմ նրանց և կհայտնեմ հաջորդ հանդիպման ընթացքում։ Ընդ որում, պատրաստ եմ խորհուրդներ ընդունել ոչ միայն այդ ութ խորհրդականներից, այլ նաև ութսունից»։

Չէ՞ որ, Հայաստանում շուրջ երեք միլիոն խորհրդական է ապրում։ Հաստիքային ժամանակացույցի համաձայն, ենթադրվում է աշխատավարձ ստացող երկու խորհրդականի առկայություն։ Մյուսներն աշխատում են հասարակական սկզբունքներով»,– ասաց Ալթունյանը։ -0-