ԵՐԵՎԱՆ, 3 դեկտեմբերի. /Նովոստի-Արմենիա/. Հայաստանի վարչապետի պաշտոնակատար Նիկոլ Փաշինյանը նախընտրական հանրահավաքի ընթացքում ասաց, որ Հայաստանի զինված ուժերի բյուջեն 5 տարում կավելանա 2.5 մլրդ դոլարով:
Նոյեմբերի 26-ին Հայաստանի պաշտպանության նախարարի պաշտոնակատար Դավիթ Տոնոյանը խորհրդարանական հանձնաժողովներում 2019 թվականի պետբյուջեի նախագծի ներկայացման փակ նիստից առաջ ասել է, որ Հայաստանի պաշտպանության նախարարության` 2019 թվականի բյուջեն կմեծանա 26.6 տոկոսով:
«Այս 2.5 մլրդ դոլարը պետք է վճարեն մեզ հայտնի կոռուպցիոներները: Եթե այդ ամենը կամավոր անեն, ապա հաշվի կառնենք։ Բայց դա չի նշանակում, որ սա ամբողջ գողացվածն է»,– ասաց նա Արարատում անցկացված նախընտրական հանհրահավաքում, ավելացնելով, որ անհրաժեշտ է օբյեկտիվ մոտենալ «թալանվածի գումարի գնահատման հարցին»։
Վարչապետի պաշտոնակատարը նշեց, որ ժողովրդից գողացվածը պետք է «կոպեկ առ կոպեկ, լումա առ լումա, ցենտ առ ցենտ» վերադարձվի։
Загружается новость ...
"Право"
«Պետք է վերադարձվի և ուղղվի, նախևառաջ, Հայաստանի անվտանգության կարիքներին, ինչպես նաև Հայաստանի հետագա զարգացման համար որպես կապիտալ»,– ասաց Փաշինյանը։
Դեկտեմբերի 9–ին Հայաստանում կանցկացվեն արտահերթ խորհրդարանական ընտրություններ, որոնց մասնակցության համար ԿԸՀ–ն գրանցել է 11 քաղաքական կուսակցություններ և դաշինքներ Դրանք են` «Իմ քայլը» դաշինքը, «Բարգավաճ Հայաստան» կուսակցությունը, «Ազգային առաջընթաց», «Քրիստոնեաժողովրդական վերածնունդ» կուսակցությունները, «Սասնա ծռեր» համահայկական կուսակցությունը, «Օրինաց երկիր» կուսակցությունը, «Մենք» կուսակցական դաշինքը, ՀՅԴ–ն, «Լուսավոր Հայաստան» կուսակցությունը, Հայաստանի հանրապետական կուսակցությունը, «Քաղաքացու որոշում» սոցիալ–դեմոկրատական կուսակցությունը։–0–
