Հայաստանի նախագահն այլևս պետպարգևներ և կոչումներ չի շնորհելու

ԵՐԵՎԱՆ, 7 մարտի. /Նովոստի Արմենիա/. Հայաստանի Ազգային ժողովի պատգամավորներն արտահերթ նիստում առաջին ընթերցմամբ ընդունեցին «ՀՀ պետական պարգևների և պատվավոր կոչումների մասին» օրենքը, ըստ որի Հայաստանի նախագահն այլևս իրավունք չի ունենա պետական պարգևներ և կոչումներ շնորհել։

Օրենքին «կողմ» է քվեարկել 64 պատգամավոր, «դեմ»` 8, ձեռնպահ` 25։

Հայաստանի արդարադատության փոխնախարար Արթուր Հովհաննիսյանը, ներկայացնելով օրենքը, հայտարարեց, որ դրա ընդունումը պայմանավորված է 2015 թվականի սահմանադրական բարեփոխումներով։ Ներկայում հանրապետության նախագահը սահմանված կարգով պետական պարգևներ է շնորհում։

«Օրենքով նաև ենթադրվում է սահմանել մեդալների, շքանշանների և պատվավոր կոչումների ընթացակարգը, ինչպես նաև սահմանել դրանց ձևն ու տեսքը։ Նախատեսվում է նաև, որ նախագահին պետական պարգև շնորհելու միջնորդություն ներկայացնելու իրավունք ունեն Ազգայինո ժողովի, Սահմանադրական դատարանի, Բարձրագույն դատական խորհրդի նախագահը և վարչապետը»,– ասաց Հովհանիսյանը։

Ըստ նրա, պետական մյուս կառույցների ղեկավարները նույնպես կկարողանան դիմել նմանատիպ առաջարկով վարչապետին; Միջնորդությունից հետո նախագահը սահմանված կարգով պարգևներ է շնորհում։


2015 թ.–ին սահմանադրական փոփոխությունների ընդունումից հետո Հայաստանն անցնում է խորհրդարանական իշխանավարման, սակայն գործող նախագահ Սերժ Սարգսյանը պահպանում է իր լիազորությունները մինչև ժամկետի ավարտը` 2018 թ.–ը։ Նոր նախագահին ընտրեկու է Ազգային ժողովը։ Նա կստանձնի լիազորությունները 2018 թ.–ի ապրիլի 9–ին։ Նույն օրը կդադարեցվեն գործող նախագահի լիազորությունները, իսկ կառավարությունը հրաժարական կտա։ Վարչապետը կընտրվի իշխող կուսակցության կամ իշխող կոալիցիայի կողմից։–0–