ԵՐԵՎԱՆ, 31 հունվարի./Նովոստի-Արմենիա/. Հայաստանի կառավարությունը հինգշաբթի նիստում որոշում ընդունեց ջրի սակագնի սուբսիդավորման վերաբերյալ։
Որոշման նախագծում նշվում է, որ սուբսիդավորումը կիրականացվի սպառողների բեռը նվազեցնելու նպատակով։
«Մասնավորապես, ընկերությանը կտրամադրվի 11.4 դրամի սուբսիդիա ջրի յուրաքանչյուր խորանարդի դիմաց 191.414 դրամ սակագնի պարագայում»,– ասվում է որոշման նախագծում։
Արդյունքում 2019 թվականին օգտատերերը ջրամատակարարման և ջրահեռացման մանրածախ ծառայությունների համար կվճարեն 180 դրամ մեկ խորանարդի դիմաց (ներառյալ ԱԱՀ)։
Նոյեմբերի 28–ին Հանրային ծառայությունները կարգավորող հանձնաժողովը որոշում է կայացրել հետաձգել «Veolia Jur» ընկերության հայտը մինչև 2025 թվականը ջրի սակագինը բարձրացնելու վերաբերյալ։ «Veolia Jur» ընկերությունը կարգավորիչին 191.414 դրամից ջրի սակագինը մինչև 205.125 դրամ բարձրացնելու վերաբերյալ հայտ էր ներկայացրել։ -0-