ԵՐԵՎԱՆ, 19 սեպտեմբերի. «Նովոստի–Արմենիա/. Հայաստան–Սփյուռք վեցերորդ համաժողովի մասնակիցները երեքշաբթի` սեպտեմբերի 19–ին, այցելել են Հայոց ցեղասպանության Ծիծեռնակաբերդ հուշահամալիր։
Սփյուռքի նախարար Հրանուշ Հակոբյանի ուղեկցությամբ ֆորումի` հուշահամալիր այցելած մասնակիցները ծաղկեպսակներ դրեցին և հարգանքի տուրք մատուցեցին Հայոց ցեղասպանության անմեղ զոհերի հիշատակին։
Լոս Անջելեսում հայերի միավորման պատասխանատու Ստեփան Հովակիմյանը «Նովոստի Արմենիա» թղթակիցի հետ զրույցում պատմել է, որ Ծիծեռնակաբերդ է այցելում ամեն անգամ, երբ գալիս է Հայաստան, և ամեն անգամ բոլորովին տարբեր զգացողություններ է ունենում։
Загружается новость ... "Лево"
«Հայաստանում ես այնպայման երկու տեղ եմ այցելում` Ծիծեռնակաբերդ և
Մատենադարան։ Առաջինը մեր անցյալն է, երկրորդը` մեր ապագան, որը գալիս է մեր անցյալից։ Եթե ջահել ժամանակ Ծիծեռնակաբերդ այցելելիս ես ցանկանում էի վրեժ լուծել, ապա այսօր ես վերածնունդ եմ ցանկանում իմ երկրի համար», – պատմել է Հովակիմյանը։
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը, որը կտևի մինչև սեպտեմբերի 20–ը։ Համաժողովը նվիրված է Հայաստանի Առաջին հանրապետության հռչակմանը և մայիսյան հերոսամարտերի 100–ամյակին, ինչպես նաև «Էրեբունի–Երևան 2800» տոնին։ Համաժողովին մասնակցում են Հայաստանի և Արցախի գերատեսչությունների ղեկավարներ, փորձագետներ, ինչպես նաև Սփյուռքի ականավոր գործիչներ, այդ թվում` Թուրքիայի խորհրդարանի պատգամավոր Գարո Փայլանը։ Զեկույցներով ելույթ կունենան Բելգիայի, ԱՄՆ–ի, Ռուսաստանի, Արգենտինայի, Լիբանանի, Պորտուգալիայի, Կանադայի, Իրանի, Ռումինիայի, ԱՄԷ–ի և Սիրիայի սփյուռքահայ կառույցների ներկայացուցիչներ։
Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի քննադատություններին։
Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Չեխիայի խորհրդարանը, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի, Լյուքսեմբուրգի խորհրդարանները, Կանադայի խորհրդարանի համայնքների պալատը և Լեհաստանի սեյմը, Պարագվայի Սենատը,Վատիկանը, Եվրախորհդարանը, Եկեղեցիների համաշխարհային խորհուրդը, Գերմանիայի Բունդեսթագը և Չեխիայի խորհրդարանը: -0-