ԵՐԵՎԱՆ, 3 փետրվարի. /Նովոստի-Արմենիա/. Հայաստանի վարչապետ Կարեն Կարապետյանը նախօրեին կառավարության նիստում շտապեցրեց սպորտի և երիտասարդության հարցերի նախարար Հրաչյա Ռոստոմյանին առողջ կենսակերպի մասսայականացման հարցում։
Նախարարը կառավարությունում ներկայացնում էր երկրում մանկապատանեկան սպորտի զարգացման հայեցակարգ, որն ուղղված է երեխաների առողջության ամրապնդմանը կրթական հաստատություններում ֆիզպատրաստվածության համակարգի արդիականացման մջոցով։ Մասնավորապոս, խոսքը երեխաներին մարզումներում ընդգրկելու, տաղանդավոր երեխաների համար անհրաժեշտ պայմաններ ստեղծելու, բարձրակարգ մարզիկներ նախապատրաստելու մասին էր։
Այս կապակցությամբ վարչապետը հետաքրքրվեց, թե ինչպես է առաջ գնում իր հանձնարարականը սպորտի և առողջ կենսակերպի մասսայականացման հետ, ինչքան մարդ է զբաղվում սպորտով մեր երկրում, և ինչ է փոխվել նախարարության ձեռնարկած քայլերից հետո։
Ինչպես պարզաբանեց Ռոստոմյանը, երկրում բավականին ակտիվ է զարգանում սպորտը, իսկ դրա և առողջ կենսակերպի մասսակայանացումը դիտարկվում է ներկայում մշակվող հայեցակարգում։ Նա հստակեցրեց, որ աննախադեպ սառը ձմռան պատճառով գործընթացները որոշակիորեն դանդաղել են, և որոշ միջոցառումներ ստիպված է լինում անցկացնել փակ տարածություններում։
Վարչապետն իր հերթին հարցրեց, թե հնարավոր է, արդյո՞ք, այս դեպքում հարցը լուծել առանց հայեցակարգի և նշեց, որ չի տեսնում էական քայլեր, որոնք արվում են այս ուղղությամբ։
«Ամեն դեպքում, չեմ զգում, որ քայլեր իրականացնեք այս ուղղությամբ, մենք պետք է տեսնենք, լսենք դրանք, տեսնենք արդյունքներ»,– ասաց Կարապետյանը։
Կառավարության առաջին նիստերից մեկում 2016 թվականի աշնանը Հայաստանի վարչապետ Կարեն Կարապետյանը հանձնարարել էր Սպորտի նախարարությանն անել ամեն ինչ առողջ կենսակերպի քարոզման համար, հատկապես գյուղական համայնքներում։ Այդ նպատակին հասնելու համար ակնկալվում էր, որ նախարարությունը որակապես նոր քայլեր կձեռնարկի համապատասխան հիմնադրամների ներգրավմամբ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
