Հայ ուսանողներն արտասահմանյան բուհերում սովորելու համար նոր կրթաթոշակներ կստանան

ԵՐԵՎԱՆ, 23 փետրվարի. /Նովոստի–Արմենիա/. ՀՀ կրթության և գիտության նախարարությունը հայտարարում է մրցույթ՝ միջպետական համաձայնագրերի շրջանակում բուհական և հետբուհական կրթություն ստանալու համար, հայտնում է նախարարության մամուլի ծառայությունը։

Մրցույթի շրջանակում հայ ուսանողները կկարողանան ուսում ստանալ Չինաստանի Ժողովրդական Հանրապետության, Բուլղարիայի, Ռումինիայի, Լեհաստանի, Վրաստանի հանրապետությունների և Հորդանանի Հաշիմյան Թագավորության բարձրագույն ուսումնական հաստատություններում։

Այդ նպատակով հատկացվել են կրթաթոշակային տեղեր` բակալավրիատում, մագիստրատուրայում և ասպիրանտուրայում սովորելու համար։ Մրցույթները կանցնեն մարտի 10–ից 20–նն ընկած ժամանակահատվածում։ -0-