ԵՐԵՎԱՆ, 17 հունիսի. /Նովոստի-Արմենիա/. ԱԺ-ի ընդդիմադիր պատգամավոր Նիկոլ Փաշինյանը ուրբաթ խորհրդարանի հերթական արտահերթ նիստի ընթացքում ՀՀ Քննչական կոմիտեին կոչ է արել վարույթ հարուցել և գործ սկսել պատգամավոր Սամվել Ալեքսանյանի դեմ «Հայկական ժամանակ» թերթում տպագրված հոդվածի հիման վրա:
«Այսօր թերթը բավական ծավալուն հոդված է հրապարակել, որում տարբեր փաստեր է բերել առ այն, որ Ալեքսանյանը մարդկանց է առևանգում: Այս կապակցությամբ պահանջում եմ, որ իրավապահ մարմինները զբաղվեն այս հարցով և ներկայացված հոդվածի հիման վարույթ հարուցեն վրա», - ասել է Փաշինյանը:
Նա նաև պահանջել է իրավապահներից ուշադրություն դարձնել Մալաթիա-Սեբաստիա վարչական շրջանի ոստիկանների աշխատանքին (հենց այս շրջանից է առաջադրվել Ալեքսանյանի թեկնածությունը), քանի որ, պատգամավորի խոսքով, նրանք ավելի շուտ պաշտպանում են Ալեքսանյանի շահերը, այլ ոչ թե օրենքի:
«Հայկական ժամանակ»-ի հոդվածի համաձայն, Ալեքսանյանի նախկին աշխատակիցներից Արմեն Իսրայելյանը պնդում է, թե Ալեքսանյանն իրեն ունեցվածքից զրկել է՝ տիրանալով իր ընտանեկան բիզնեսներին: Մասնավորապես, նրա խոսքով, Ալեքսանյանը վերցրել է Իսրայելյանին պատկանող մի քանի օբյեկտ (ավտոլվացման կետ, վարսավիրանոց, հացի փուռ, ավտոտնակ և բնակարան), որոնք նա ստեղծել է Ալեքսանյանի մոտ աշխատելու ընթացքում, բակներից վարկեր վերցնելով:
Իսրայելյանն իր տեսաուղերձում դիմում է ՀՀ գլխավոր դատախազ Գևորգ Կոստանյանին, Հատուկ քննչական ծառայության պետ Վահրամ Շահինյանին և ՀՀ նախագահ Սերժ Սարգսյանին` խնդրանքով այս հարցին լուծում տալ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
