ԵՐԵՎԱՆ, 25 հունիսի./Նովոստի-Արմենիա/. Կառավարությունն այսօր՝ հունիսի 25-ի նիստում հաստատեց կորոնավիրուսի տնտեսական հետևանքների չեզոքացման 22-րդ միջոցառումը:
Загружается новость ... "Лево"
Ինչպես միջոցառումը ներկայացնելիս հայտնել է Աշխատանքի և սոցիալական հարցերի նախարար Զարուհի Բաթոյանը՝ այս միջոցառման նպատակն է օժանդակել կորոնավիրուսի տարածման հետևանքով աշխատանքի շուկայում գոյացած դժվարությունների արդյունքում սոցիալական խնդիրների առջև կանգնած Հայաստանի Հանրապետության քաղաքացիներին:
«Միջոցառման շահառու են հանդիսանում այն Հայաստանի Հանրապետության քաղաքացի հանդիսացող ֆիզիկական անձինք, ովքեր առնվազն 85 օրացուցային օր աշխատանքային պայմանագրի կամ աշխատանքի ընդունման մասին անհատական իրավական ակտի հիման վրա աշխատանքային հարաբերությունների մեջ են գտնվել գործատուի հետ 2020 թվականի հունվարի 1-ից մինչեւ մարտի 30-ն ընկած ժամանակահատվածում, սակայն ազատվել են աշխատանքից 2020 թվականի մարտի 31-ից մինչև հունիսի 1-ն ընկած ժամանակահատվածում և այդ նույն ժամանակահատվածում չեն անցել մեկ այլ աշխատանքի»,- նշել է Բաթոյանը:
Նա հայտնել է, որ այս շարքում կան բացառություններ, որոնք վերաբերում են բանկերին, վարկային կազմակերպություններին, գրավատներին, ապահովագրական ընկերություններին և նշել, որ այս մասին լրացուցիչ տեղեկատվություն կտրամադրվի:
Բաթոյանը մանարամասնել է, որ աջակցությունը տրամադրվում է միանվագ՝ նվազագույն ամսական աշխատավարձի չափով:
Սույն աջակցությունից չեն կարող օգտվել հետևյալ անձինք,
- ում աշխատանքից ազատվելուն նախորդող 2 ամիսների միջին ամսական աշխատավարձի չափը գերազանցել է 500 000 դրամը:
- ով 2020 թվականի հունիսի 1-ի (ներառյալ) դրությամբ աշխատանքային հարաբերությունների մեջ է գտնվել նաև այլ գործատուի հետ կամ նույն գործատուի հետ՝ այլ աշխատանքային պայմանագրի հիման վրա.
- ով2020 թվականի հունիսի 1-ի (ներառյալ) դրությամբ հանդիսացել է անհատ ձեռնարկատեր (բացառությամբ այն անհատ ձեռնարկատերերի, որոնք հաշվառվել են 2020 թվականի հունվարի 1-ից հետո), ում գործունեությունը նույն ամսաթվի դրությամբ Հայաստանի Հանրապետության հարկային օրենսգրքով նախատեսված կարգով դադարեցված չի եղել.
- ովքեր հանդիսացել են (հանդիսանում են) Հայաստանի Հանրապետության կառավարության 2020 թվականի հունիսի 18-ի N 983-Լ որոշումամբ սահմանված միջոցառման շահառուները (խոսքը 20-րդ միոջացռման մասին է)։
Նիստի ընթացքում 22-րդ միջոցառմանն անդրադարձել է նաև վարչապետը:
«Մի քանի օր առաջ արձանագրեցինք ՀՀ-ում ապրիլին համատարած սհամանափակումների շրջանում ավելի քան 70 հազ աշխատատեղ փակվել է, և մայիսի այդ 70 հազ 50 հազարը վերակնգնվել է կամ բացվել է, արդյունքում մենք արձանագրեցինք, որ մոտավորապես 20 հազ, քաղաքացիների կան, որ կորոնավիրուսի շրջանում աշխատանքը յկորցրել են և նոր աշխատանք չեն գտել, և մենք որոշում կայացրեցինք,որ այդ քաղաքացիներին ցուցաբերենք աջակցություն»,- նշել է վարչապետը: -0-
