Հանրապետության հրապարակում վառվեցին գլխավոր տոնածառի լույսերը (ՖՈՏՈ, ՎԻԴԵՈ)

ԵՐԵՎԱՆ, 14 դեկտեմբերի․/Նովոստի-Արմենիա/․     Այսօր Հանրապետության հրապարակում վառվեցին գլխավոր տոնածառի լույսերը։

Հանդիսավոր արարողությունը մեկնարկեց ժամը 20:00-ին։ Միջոցառումը մեկնարկեց շոու ծրագրով, որի ընթացքում ելույթ ունեցավ  «Մանկական Եվրատեսիլ 2025»-ին Հայաստանը ներկայացնող 12-ամյա Ալբերտը։

Ավելի վաղ հայտնել էինք, որ դեկտեմբերի 14-ին Երևանի գլխավոր տոնածառի լույսերի վառման տոնական արարողությամբ պայմանավորված՝ Երևանի մետրոպոլիտենը գործելու է մինչև դեկտեմբերի 15-ի ժամը 01:00-ն:

Իսկ հանրային տրանսպորտը Հանրապետության հրապարակի մերձակա փողոցներում` Տիգրան Մեծի և Մաշտոցի պողոտաներում, Խորենացու, Գրիգոր Լուսավորչի և Խանջյան փողոցներում, կաշխատի մինչև դեկտեմբերի 15-ը` ժամը 01:00-ն, հայտնել է «Երևան ավտոբուս» ՓԲԸ-ն։