ԵՐԵՎԱՆ, 5 հոկտեմբերի. /Նովոստի-Արմենիա/. Համացանցում հայտնվել է 2016 թ.-ի «Էրեբունի-Երևան» քաղաքի օրվա տոնակատարությանը նվիրված երգը, Facebook սոցիալական ցանցի իր էջում հայտնել է Երևանի քաղաքապետի օգնական Մարիա Բարաղամյանը:
«Սույն
հղումով կարող եք ունկնդրել մեր արևի քաղաք Երևանին նվիրված այս տարվա գեղեցիկ, արևային, դրական ու էմոցիոնալ երգը», - նշել է Բարաղամյանը:
Երաժշտության հեղինակն է Արա Թորոսյանը, խոսքերի հեղինակը՝ Ավետ Բարսեղյանը: Երգը կատարում են Ռադիկ Գաբրիելյանը, Սոնա Ռուբենյանը, Վիգեն Ահարոնյանը, Ալլա Լևոնյանը, Հայկոն, Լիանան, Արթուր Մխիթարյանը և Սեդրակ Պապյանը:
Այս տարի հոկտեմբերի 8-ին Երևանը կտոնի իր 2798-ամյակը: -0-
