ԵՐԵՎԱՆ, 17 հուլիսի./Նովոստի-Արմենիա/. Ներկայացնում ենք հինգշաբթի՝ հուլիսի 16-ի առավել ուշագրավ նորությունները:
Հուլիսի 16-ի գիշերը ադրբեջանական ԶՈՒ-ն դիվերսիոն ներթափանցման փորձ է կատարել: Թեժ մարտից հետո հակառակորդը, կորուստներ կրելով, հետ է շպրտվել։
Ադրբեջանական ստորաբաժանումները անհաջող դիվերսիոն փորձից հետո սկսել են հարվածելԱյգեպար և Մովսես գյուղերի ուղղությամբ՝ կիրառելով ականանետ և Դ-30 հաուբից: ՀՀ ԶՈՒ-ի կողմից խոցվել էհակառակորդի տանկ, հրետանային և ականանետային մարտկոցների կրակային դիրքեր:
Հուլիսի 16-ի, ժամը 11:00-ի դրությամբ հաստատվել էկորոնավիրուսային հիվանդության 554 որ դեպք, ընդհանուր 33559 դեպք, որոնցից 21931-ն` առողջացած, 607-ը` մահվան ելքով:
ԱԱԾ-ն հայտնել է, որ 10 օր առաջ կորած ՀՀ քաղաքացի Ն.Սարդարյանը գերեվարվել է Ադրբեջանի կողմից:
Ադրբեջանական անօդաչու սարքի հարվածից Չինարի գյուղում կա վիրավոր, վիճակը հուլիսի 16-ի դրությամբ կայուն ծանր է: Հակառակորդի ԱԹՍ-ից խոցվել է նաև վիրավորին օգնության հասած ԱԻՆ մեքենան. զոհեր չկան:
Ադրբեջանի նախագահ Իլհամ Ալիևը ԱԳ նախարարի պաշտոնից ազատեց Էլմար Մամեդյարովին և ԱԳ նոր նախարար նշանակել՝ Ջեյհուն Բայրամովին:
ՀՀ-ի թույլտվությամբ ադրբեջանցիներին թույլտվություն է տրվել միջդիրքային տարածքից տարհանել ադրբեջանցի զոհված զինվորների դիերը. հրապարակվել են կադրեր:
Ադրբեջանի ՊՆ-ն հուլիսի 16-ին հայտարարություն է տարածել, որով սպառնում է հրթիռակոծությամբ ոչնչացնել Մեծամորի ատոմակայանը: Հայտարարությունը քննադատել է արդարադատության նախարարը՝ դիմելով միջազգային հանրությանը:
ՀՀ ԱԳՆ-ն ևս խստորեն դատապարտել էԱդրբեջանի հայտարարությունը՝ նմանօրինակ սպառնալիքները պետական ահաբեկչության ուղղակի դրսևորում և Ադրբեջանի ցեղասպան մտադրությունների արտահայտությունը որակելով:
Ադրբեջանի հարձակումների հետևանքով վիրավորվել է 36 զինծառայող. ՔԿ–ն հայտնել է հարուցված 30 քրգործի մասին
