Գյումրիի Սուրբ Աստվածածին եկեղեցին, որտեղ Փաշինյանը մտադիր է մասնակցել պատարագին, շրջապատված է ուժայինների կողմից (ՎԻԴԵՈ)
ԵՐԵՎԱՆ, 7 դեկտեմբերի․/Նովոստի–Արմենիա/․ Գյումրիի Սուրբ Աստվածածին եկեղեցին (Յոթ Վերք), որտեղ Հայաստանի վարչապետ Նիկոլ Փաշինյանը մտադիր է այսօր մասնակցել պատարագին, շրջապատված է ուժայինների կողմից։
Քաղաք են բերվել ոստիկանության ջոկատներ։
ԶԼՄ-ների հաղորդմամբ՝ նախօրեին երեկոյան ժամերգությունից հետո Գյումրիի Սուրբ Աստվածածին (Յոթ Վերք) եկեղեցու դռները կնիքվել են՝ Փաշինյանի մասնակցությամբ պատարագի նախօրեին։ Հոգևորականները լքել են եկեղեցին՝ նշելով, որ հաջորդ օրը ոչ մի սպասավոր, այդ թվում՝ մոմավաճառ, եկեղեցում չի լինի։
Տեղեկություններ են շրջանառվում այն մասին, որ այդ եկեղեցում պատարագը կմատուցի երևանյան Սուրբ Սարգիս եկեղեցու քահանա Արարատ Օրդոյանը։
Հայ Առաքելական Եկեղեցու Շիրակի թեմի հոգևորականները հայտարարություն են տարածել, որի ներքո ստորագրել են 29 հոգևորականներ։ Նրանք հայտնել են իրենց նվիրվածությունը Ամենայն Հայոց Կաթողիկոսին և Գյումրու Յոթ Վերք եկեղեցում թեմի հոգևորականներից որևէ մեկի Պատարագի մատուցման անթույլատրելիության մասին։
«Մենք՝ ներքոստորագրյալներս՝ Շիրակի թեմի հոգևորականաց դասը, հայտարարում ենք, որ հիմա և միշտ, մեր կոչումին վայել, անշեղորեն կանոնական Սուրբ Պատարագ ենք մատուցելու և, մեր հավատարմությամբ առ Միածնաէջ Սուրբ Էջմիածին և նրա օրինավոր գահակալ՝ Ն.Ս.Օ.Տ.Տ. Գարեգին Բ Սրբազնագույն Կաթողիկոս, հիշատակելու ենք մեր Հայրապետի և թեմակալ առաջնորդ Բարձրաշնորհ Տ. Միքայել Արք. Աջապահյանի անունները»,-նշվում է հայտարարության տեքստում։
Հոգևորականներն ընդգծել են, որ եթե, բացի իրենց թեմի հոգևորականներից, որևէ մեկը Շիրակի թեմի եկեղեցիներից մեկում և, մասնավորապես Սուրբ Յոթ Վերք եկեղեցում Պատարագ մատուցի, «դա կնշանակի, որ առաջնորդանիստը բռնազավթված է»։
